JEREMIA 30:3 - BIBEL JAMITA NA DENGGAN

³ Angke dapot do muse hatihana pasuangonKu mangulahi bangsongKu Israel dohot Juda; obanonKu do halahi mangulahi mulak tu tano na dung Hulehen tu ompu ni halahi. Halahi noma nampuna tano i mangulahi. Au Tuhan, madung mandok songon i.”

JEREMIA 30:3 ပူးပေါင်းရင်းမြစ်များ

ESRA 3:1

Di bulan pitu, madung hot angka halak Israel i maringanan di angka kotana be. Di tanggal sada laing di bulan i, marlagut ma halahi di Jerusalem,

ESRA 3:12

Bahat dope sian tonga-tonga ni angka malim, angka halak Levi dohot angka kapala ni horong-horong i na dung matobang situtu na sanga marnida Bagas Ni Tuhan najolo i. Tangis ma halahi gogo di na niida ni halahi dipayakkon pondasi ni Bagas Ni Tuhan i. Tapi anggo halak na deba nari na dohot disi, marsurak-surak do marmoga-moga,

ESRA 3:8

Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

MASMUR 126:4

Oban ma hami mulak, ale Tuhan, tu tanonami, songon udan na mambaen tangkuju di batang aek na hiang di tano Negeb.

MASMUR 53:6

Ale Tuhan, satontang tu Israel hami pangidohon, lehen ma hamonangan sian Dolok Sion. Gabe marjop ni roha ma bangsoMi, muda dung dibaen Ho halahi masonang mangulahi.

JEREMIA 16:15

tapi mangasahon Au Debata na mangolu, na maroban halak Israel ruar sian sada luat na di Utara dohot sude luat na asing sanga na di dia halahi Hupaserak. ObanonKu ma halahi mangulahi mulak tu bona bulu ni halahi, luat na dung Hulehen tu ompu ni halahi.”

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 27:11

Tapi anggo bangso na ra tunduk jana mangoloi tu raja ni Babel, padiaronKu do maringanan di bona buluna sandiri, jana martani disi. Au Tuhan, madung mandok songon i.”

JEREMIA 29:10

Didok Tuhan muse, ‘Muda dung dapot hatihana sipitu pulu taon di Babel, parrohahononKu ma hamu mangulahi jana patulusonKu ma na Hujanjihon laho paulakkon hamu mangulahi tu inganan on.

JEREMIA 29:14

Tutu do, dumpang hamu ma Au. Palagut-lagutonKu ma hamu sian tonga-tonga ni sandok bangso sian ganop luat inganan parserahanmunu dohot habuanganmunu. ObanonKu ma hamu tu tano asalmunu on jana pasuangonKu pangalahomunu. Au Tuhan, madung mandok songon i.’

JEREMIA 3:18

Mardomu ma Israel dohot Juda, jana rap ro ma halahi sian tano habuangan na di Utara. Mulak ma halahi tu luat na dung Hupasahat tu ompu ni halahi gabe tano pusako.”

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 30:18

Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

JEREMIA 30:4

Didok Tuhan do tu halak Israel dohot Juda,

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

JEREMIA 31:27

Au, Tuhan mandok dapot do i hatihana gohanKu Israel dohot Juda markite-hite jolma dohot pahan-pahanan.

JEREMIA 31:31

Didok Tuhan ma, “Dapot do i hatihana baenonKu parjanjian na imbaru tu halak Israel dohot Juda.

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JEREMIA 32:44

Manobusi kobun ma jolma dohot perak, tekenon do surat tobusna, marsegel, jana dipagomos angka saksi. Di tano Benyamin ma tarjadi na songon i, di angka huta na menek-menek humaliang Jerusalem di angka kota ni Juda, dohot di angka kota na di luat partoran, di luat na di rereng ni dolok, dohot di tano Negeb. PasuangonKu do pangalaho ni bangso on di luat on. Au Tuhan madung mandok songon i.”

JEREMIA 33:26

laing songon i ma tongtong tioponKu parjanjianKu dohot pomparan ni si Jakob dohot naposongKu si Daud. TodoonKu ma sahalak sian pomparan ni si Daud laho mangarajai pomparan ni si Abraham, si Ishak dohot si Jakob. Maribo ni roha ma Au tu bangsongKu jana sonang halahi baenonKu.”

JEREMIA 51:60

Sude parmaraan na giot mandondoni Babel, dohot angka pangalaho na asing taringot tu luat i, madung husuratkon di sada buku.

JEHESKIEL 20:42

Muda dung Huoban hamu tu tano Israel mangulahi, tu tano na Hujanjihon tu ompumunu i, gabe botoonmunu ma bahaso Au do Tuhan.

JEHESKIEL 34:13

ParuaronKu ma halahi sian tonga-tonga ni angka bangso dohot angka luat na asing jana palagutonKu lalu Huoban tu tano ni halahi sandiri. ParmahananKu ma halahi di angka dolok dohot angka batang aek ni Israel jana Hutogu halahi tu angka padang ruput na rata.

JEHESKIEL 36:24

Sian ganop bangso dohot luat, palagutonKu ma hamu jana paulahonKu tu tanomu sandiri.

JEHESKIEL 47:14

Na dung Husumpahon do na giot lehenonKu tano i tu ompumunu. Hara ni i, buat ma tano i jana bagi-bagi ma i tigor di hamu be.

JOEL 3:1

Didok Tuhan ma, “PasuangonKu ma di hatiha i hasonangan ni Jerusalem dohot Juda.

ZEPANYA 2:7

Luat Topi Laut angkon gabe nampuna ni halak Juda na bolas luncat. Marmahan ma halahi disi jana modom di angka kota ni halak Askelon muda borngin; harana Tuhan, Debata ni halahi mamparate-atehon halahi jana pasuangkon halahi songon na salpu i.

ZEPANYA 3:20

Ro do i hatihana, jana ro ne noma i, toguonKu ma mulak halakmu na marserak i. BaenonKu tarbonggal hamu di sandok portibi, jana Hupasuang hasonangonmu mangulahi.” Madung didok Tuhan songon i.

LUKAS 17:22

Dung i didok Jesus ma tu angka anak siseanNia, “Na ro ma hatihana, na malungun hamu sugari idaonmunu ma sada sian angka ari ni Anak Ni Jolma i, tapi nada idaonmunu i.

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

PANGARATAION 30:3

jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

PANGARATAION 30:5

Jadi tarbaen hamu ma mangulahi mambuat tano i, tano na niinganan ni ompumunu narobi. Jana baenonNia hamu mur tu makmurna, jana bilanganmunu pe mur mabahat sian na jungada dialami angka ompumunu.

IBRANI 8:8

Hape madung tardapot Debata hasalaan i di bangsoNa i, gabe didok Debata ma, “Ingot hamu ma, na ro ma hatihana, baenonKu ma janji na imbaru dohot bangsongKu Israel, dohot tu Marga Juda.