JEREMIA 30:20 - BIBEL JAMITA NA DENGGAN

²⁰ Angka anak ni halahi angkon songon di mulana, jana parlagutan ni halahi angkon marbungaran salolot ni lolotna di jolongKu. UhumonKu ma sude halak na mamparhanciti halahi.

JEREMIA 30:20 ပူးပေါင်းရင်းမြစ်များ

MASMUR 102:18

Suratkon ma sude na nibaen ni Tuhan, baen di sundut na ro di pudi, anso bolas Ia pujion ni bangso na so tubu dope tu portibi on.

MASMUR 102:28

Sonang so haribo-riboan ma ngolu ni angka dakdanak ni naposoMon, jana anak dohot pahompu ni halahi sai tongtong adong di adopanMu.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

ANDUNG 5:21

Ale Tuhan, oban ma hami mulak tu Ho; giot mulak do hami tu Ho! Pasuang ma hami songon di hatiha najolo.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

ZAKARIA 10:8

PiohononKu ma bangsongKu gabe sada punguan baenonKu. Hupalua halahi jana sabahat ni na jolo baenonKu.

ZAKARIA 8:5

Angka dalan na di kota i pe gabe ribur ma baenon ni angka halaklahi dohot dadaboru na marmayami.