JEREMIA 30:2 - BIBEL JAMITA NA DENGGAN

² Songon on ma didok Tuhan, Debata ni Israel, “Suratkon ma sude hata na dung Hudokkon i tu ho, tu bagasan buku.

JEREMIA 30:2 ပူးပေါင်းရင်းမြစ်များ

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

JESAYA 30:8

Disuru Debata do au manyuratkon hajahatan ni bangsoNia di sada buku na gabe parningotan tu ari na giot ro salolot ni lolotna.

JESAYA 8:1

Didok Tuhan ma tu au, “Buat ma sada batu tulis na godang, jana suratkon ma dohot hurup na tangkas: ‘Maher-Salal dohot Has-Bas.’

JEREMIA 25:13

Giot uhumanKu Babel marhite sudena parmaraan na dung Husangkaphon maradopkon angka bangso di na mangkobari Au dohot si Jeremia – i ma sandok sangkap na tarsurat di bagasan buku on.

JEREMIA 30:1

Hata ni Tuhan na ro tu si Jeremia.

JEREMIA 36:28

mambuat karotes balunan na asing dohot manyuratkon sude na dung husuratkon i di surat balunan na parjolo i.

JEREMIA 36:32

Jadi hubuat ma karotes balunan na imbaru i jana hulehen ma tu si Barukh juru tuliski, lalu disuratkon ia ma sude na hudiktehon i tusia, i ma isi ni surat balunan na parjolo i ditamba deba nari tona na asing na songon i.

DANIEL 12:4

Dung i didok surusuruan i muse ma tu au, “Daniel, tutup ma Buku i saonnari jana baen ma segelna anso tongtong tutup Buku i lopus tu hatiha na parpudi. Bahat do halak na giot manangkasi sanga aha na giot tarjadi. Tapi nada adong gunana karejo ni halahi i.”

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

PANGARATAION 31:19

Saonnari, suratkon ma ende on. Ajarkon ma i tu bangso Israel anso gabe hasaksian maradopkon halahi.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 1:19

Antong, suratkon ma sanga aha na niidamu, i ma angka na adong saonnari dohot angka na giot tarjadi tu pudi on.