JEREMIA 30:19 - BIBEL JAMITA NA DENGGAN

¹⁹ Pujion ni halak na disi ma Au marhite ende marsurak-surak ma halahi marriang-riang be. Martamba ma bahat ni halahi hara ni pasupasungKu marsangap ma halahi hara ni pangalehenKu.

JEREMIA 30:19 ပူးပေါင်းရင်းမြစ်များ

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

NEHEMIA 8:17

Sude do rayat na mulak sian habuangan i mambaen undung-undung, lalu tinggal disi ma halahi. On ma na parjolo situtu dipamasa mamungka sian hatiha ni si Josua anak ni si Nun. Jadi sude do halahi sonang jana marjop ni roha.

MASMUR 53:6

Ale Tuhan, satontang tu Israel hami pangidohon, lehen ma hamonangan sian Dolok Sion. Gabe marjop ni roha ma bangsoMi, muda dung dibaen Ho halahi masonang mangulahi.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 26:15

Ditambai Ho bangsoMu marlompit ganda, ale Tuhan, jana dipabidang Ho luat ni halahi, dipasangap halahi ma Ho hara ni i.

JESAYA 27:6

Tu hatiha na giot ro, marurat ma pinompar ni si Jakob.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JESAYA 52:9

Ale sego-sego ni Jerusalem, marsurak ma marjop ni roha! Angke dipalua Tuhan bangsoNia jana diapoi Ia.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JEREMIA 17:26

Marroan ma angka jolma sian kota na di Juda dohot sian angka pagaran na humaliang Jerusalem; marroan ma halahi sian tano Benyamin, sian luat na di lereng ni dolok, sian luat pardolok dohot sian Juda na di Selatan. Obanon ni halahi ma tu Bagas Ni Tuhan angka haul situtungon, na giot situtungon dohot na so situtungon, songon i muse gandum sihaulkonon dohot hamonyan, maradu haul hatarimakasion.

JEREMIA 3:16

Jadi muda dung mabahat hamu di luat on, nada taringotan ni halak be mangulahi salaho tu Poti Parjanjian. Nada pikiran sanga ingot-ingoton ni halahi be i, nada be tehe porlu i di halahi sanga pe mambaen Poti Parjanjian na asing.

JEREMIA 31:27

Au, Tuhan mandok dapot do i hatihana gohanKu Israel dohot Juda markite-hite jolma dohot pahan-pahanan.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 33:22

PabahatonKu ma pomparan ni naposongKu si Daud dohot angka malim sian Marga Levi lopus gabe sabahat ni horsik na di topi ni laut dohot sabahat ni bintang na di langit na so taretong bilanganna bahat ni halahi.”

JEHESKIEL 36:37

Didok Tuhan Debata i ma, “Ale bangso Israel, Hupaloas ma hamu mangulahi mangido tolong tu Au; tambaanKu ma bahat ni bilanganmunu songon punguan ni biri-biri.

JEHESKIEL 37:10

Jadi mangkuling ma au hombar tu parenta ni Tuhan i jana alogo i pe diombuskon ma hosa tu angka pamatang i jana mangolu ma halahi lalu jongjong. Bahat sajo do halahi, jabat do tuk laho mambaen hasadaon ni tentara sibahat-bahat.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

ZAKARIA 10:8

PiohononKu ma bangsongKu gabe sada punguan baenonKu. Hupalua halahi jana sabahat ni na jolo baenonKu.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

JOHANNES 17:22

Madung Hupasangap halahi mardongan hasangapan na nilehen ni Damang i di Au, anso gabe sada halahi hara ni i, laing songon parsada ni Damang dohot Au;

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.