JEREMIA 30:17 - BIBEL JAMITA NA DENGGAN

¹⁷ Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 30:17 ပူးပေါင်းရင်းမြစ်များ

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

MASMUR 103:3

Disesa Ia do sude dosamu, jana dipamalum sude nyaemu.

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 23:3

Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

JESAYA 54:6

Harana dipiohon Tuhan do ho, songon ina na ditinggalkon jana marsak, songon ina na poso di hatiha ditulak ia, ninna Debatamu:

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JESAYA 58:8

Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.

JESAYA 60:15

Nada be ho tadingkonon jana hagigian, nada padiaron mangalungun. Jeges jana tarbarita ho Hubaen sapanjangna, inganan hamogaan sapanjangna.

JEREMIA 10:20

Madung masego bandarnami jana mangkagotap angka talina i. Nada adong be tarbaen pajongjong bandar dohot mamasang angka tenda-tendana, harana madung kehe sude angka dakdanak.”

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 30:13

Sahalak pe nada adong na ra pature ho nada adong ubat ni angka baromu nada adong be arop ni roha hamamalummu.

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

ANDUNG 2:15

Mangincahi ma tu hamu angka pamolus jana martata, dibaen madung sego kota Jerusalem sudena. Didok halahi, “I ma he ibana kota na jumeges lakna? Kota pujian ni portibi on sudena?”

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 35:12

Gabe botoonmunu ma na dung Hubege, Au Tuhan mambege pangincahimu di na nidokmunu: Madung gabe mamolngit angka dolok ni Israel jana dipasahat baen soroanta.

JEHESKIEL 36:20

Sanga tu dia pe halahi kehe, sai dipahodar halahi do goarKu na badia i. Angke didok angka jolma do songon on, ‘Bangso Ni Tuhan do nian bangso on, hape angkon tadingkonon ni halahi do tano na nilehen ni Debata tu halahi.’

HOSEA 11:3

Hape Au do mangajar si Jakob mardalan, jana Huhaol ia mardongan holong ni roha. Au do na pature-ture ia hape nada ra ia mangokuisa.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.