JEREMIA 30:16 - BIBEL JAMITA NA DENGGAN

¹⁶ Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 30:16 ပူးပေါင်းရင်းမြစ်များ

MASMUR 129:5

Padiar ma angka na magigi mida Sion talu jana sumurut.

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

JESAYA 14:2

Bahat bangso na giot mangurupi bangso Israel anso mulak halahi tu tano na nilehen ni Tuhan tu halahi, jana gabe hatoban ma angka bangso i disi tu Israel. Tabanon ni Israel ma angka halak na dung jungada manaban halahi jana parentaonna ma na unjung mamisat halahi.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 54:15

Muda adong na mangaroro tu ho, nada Au na marsuru, sanga ise na mangaroro ho, angkon talu do.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

JEREMIA 25:12

Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JEREMIA 30:15

Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 1:22

Parrohahon ma sude hajahatan ni halahi i, jana uhummi ma halahi, songon au on na hona uhumMi, hara ni sude dosangku na hubaen di adopanMi. Mangangguk au di bagasan pardangolan, marsak rohangku jana hancitan.”

JEHESKIEL 29:6

Jadi gabe botoon ni rayat ni Mesir ma sude, Au do Tuhan.” Didok Tuhan ma, “Ale bangso Mesir! Diarop roha ni halak Israel do pangurupimu hape hum songon tungkot na gale sajo do ho.

JEHESKIEL 35:5

Sian najolo dihosomi hamu Israel jana dipadiar hamu hona sambol halahi di na hona parmaraan hara ni uhuman na parpudi patunda ni dosa ni halahi.

JOEL 3:8

GadisonKu angka anakmu halaklahi dohot dadaboru tu halak Juda, jana gadisonna muse ma i tu halak Seba, luat na dao situtu. Au Tuhan mandok songon i.

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

HABAKUK 2:16

Saonnari geleranmu noma pailaon, jana nada na giot dipasangap. Muba ma hasangapanmu gabe habilean. Paksaon ni Tuhan noma ho minum sian panginuman na marisi uhuman. Minum ma ho lopus mabuk jana lenong-lenong.

ZEPANYA 2:8

Didok Tuhan Na Markuaso i ma, “Hubege do bangso Moab dohot Amon palayaskon dohot mangincahi bangsongKu. Salpu do hata ni halahi mandok na giot buaton ni halahi tano ni bangsongKi.

ZAKARIA 1:14

jana disuru surusuruan i ma au palaluhon sanga aha na nidok ni Tuhan Na Markuaso i, “Holong situtu do rohangKu mida kota Jerusalem, jana Huparrohahon situtu do kotangKu na badia i.

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

ZAKARIA 12:2

“BaenonKu ma Jerusalem songon piala na marisi anggur; inumon ni angka luat na hombar balokna ma i jana lenong-lenong halahi songon na mabuk. Jana muda hona hobuk Jerusalem, angka kota na tading i pe di Juda laing hona hobuk muse ma.

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

ZAKARIA 2:12

Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

PANGARATAION 30:7

Ampehonon ni Tuhan Debata ma tu angka musumunu na sai magigi mida hamu dohot na manyosak hamu angka bura i.

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

1 SAMUEL 17:53

Dung i mulak ma halak Israel sian na mangkojar halak Pilistin i, dirampasi halahi muse ma isi ni parbandaran ni halahi i.