JEREMIA 30:15 - BIBEL JAMITA NA DENGGAN

¹⁵ Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

JEREMIA 30:15 ပူးပေါင်းရင်းမြစ်များ

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

JOB 34:6

Pargabus do iba dietong, hara ni na mandok hasalaan di au nada adong. Saonnari au marbugang na banga, haru pe nian nada au marsala.’

MASMUR 107:17

Adong ma i na marhancit hara ni angka dosana, jana hona siksa hara ni angka hasalaanna.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 5:2

Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 30:12

Satutuna, songon on do didok Tuhan: “Santak do hancit ni nyaemu, nada tarpamalum bugangmu.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

ANDUNG 3:39

Biasi angkon sai holsoan hita muda diuhum hita hara ni angka dosanta?

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

NAHUM 3:19

Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.