JEREMIA 30:12 - BIBEL JAMITA NA DENGGAN

¹² Satutuna, songon on do didok Tuhan: “Santak do hancit ni nyaemu, nada tarpamalum bugangmu.

JEREMIA 30:12 ပူးပေါင်းရင်းမြစ်များ

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 30:15

Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

JEREMIA 6:7

Songon mual na sai paruarkon aek na lan, songon i do kota i sai tongtong parohon hajahatan. Hum barita na mamparkanciti dohot na manyegohon sajo do na Hubege sian kota i; bugang dohot nyae noma Hupaida-ida di sude inganan.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

MIKA 1:9

Nada tarpamalum be gasa ni Samaria, jana laing hona muse ma pangalaho na sarupa tu Juda. Ma pola lalu parmaraan godang tu pintu horbangan ni Jerusalem, inganan ni bangsongku.”

NAHUM 3:19

Nada haubatan be gasamu, angka bugangmu pe nada tarpamalum be. Martopap be marjop ni roha sude halak na umbege hasesegomu. Angke madung sude halak marhancit patunda ni hajahatanmu na so marujung i.