JEREMIA 30:11 - BIBEL JAMITA NA DENGGAN

¹¹ Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JEREMIA 30:11 ပူးပေါင်းရင်းမြစ်များ

2 SAMUEL 24:12

“Kehe ma ho jana paboa ma tu si Daud na Hulehen tusia tolu sipilion. PatulusonKu do sanga na dia dipili ia.”

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 8:10

Baen ma sangkap, tapi nada marguna sudena i. Roha-rohamu ma mandokkon hata! Nada adong guna ni i sudena, angke Debata do na mandongani hami.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEREMIA 10:24

Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 4:27

Pandok ni Tuhan angkon gabe padang halongonan do sude luat on, tapi nada segohononNia.)

JEREMIA 5:10

SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 5:18

Didok Tuhan, “Haru pe songon i, di hatiha i pe nada pola abiskononKu bangsongKi.

ANDUNG 3:22

Hot do manongtong holong dohot asi ni roha ni Tuhan,

JEHESKIEL 11:13

Taran na mandok hata i au, ompot ma si Pelaca madabu lalu mate. Jadi manungkap ma au jana pio-pio, “Iale, Tuhan Debata! Na giot bunuonmu dehe sude Israel na teba on?”

JEHESKIEL 6:8

Adong do saotik sian halahi sipaluaonKu sian panyambolan i, tapi paserahon do halahi di tonga-tonga ni angka bangso.

HOSEA 11:9

Nada uhumanKu ho di bagasan rimas ni rohangKu; nada ropukkononKu be Israel. Dibaen Debata do Au, nada jolma. Au Na Badia mandongani ho, jana nada muruhanKu be ho.”

HAMALIMON 26:44

Tapi haru pe laing di luat ni musu halahi tinggal, nada tinggalkononKu sanga roncohononKu halahi. Angke muda Huroncohon halahi, na manggotapkon parjanjian do Au tu halahi, hape Au do Tuhan Debata ni halahi.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

BAENON NI ANGKA RASUL 18:10

Harana dongananKu do ho. Nada adong sahalak pe na mambaen na jahat tu ho, angke bahat do di kota on halak na gabe punangKu.”

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!