JEREMIA 3:8 - BIBEL JAMITA NA DENGGAN

⁸ Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEREMIA 3:8 ပူးပေါင်းရင်းမြစ်များ

2 JUJUR TAON 21:11

Mur dipajongjong ia muse dope tehe angka inganan parsombaan ni gana-ganaan na di luat partoran Juda, jana hara ni ia gabe mardosa ma rayat ni Juda dohot Jerusalem tu Tuhan.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEHESKIEL 16:46

Samaria na di Utara ma angkangmu dohot sude pagaranna. Jana anggimu ma Sodom na di Selatan dohot sude huta pagaranna.

JEHESKIEL 16:47

Sombu dehe dihilala ho mangihutkon indege ni halahi dohot maniru parange ni halahi sihagigian i? Nada podo! Santongkin nari jumorbut muse dope ho sian halahi.

JEHESKIEL 16:51

Samaria pe tutu jahat do, tapi nada adong satonga ni angka dosamu dosa ni halahi, umbahat dope hagigian dibaen ho sian halahi na dua, hara ni sude hajahaton na nibahenmu gabe hira na so marsala idaon angka angkangmi.

JEHESKIEL 23:44

Margonti-gonti ma halahi mandapotkon si Ohola dohot si Oholiba, siboru panggampang na busuk sidua halak i.

JEHESKIEL 23:9

Jadi gabe Hupasahat ma ia tu angka haholongan ni rohania i, tu angka halak Asur na sai dihalungunkon ni rohania i.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

PANGARATAION 24:1

“Marbagas ma umpamana sada halaklahi dohot sada dadaboru, dung di pudian ni ari nada giot bayo i be anak boru i angke sala dadaboru i hara ni pangalahona na pailahon. Dung i dibaen bayo i ma surat sirang, dipasahat ia ma i tu anak boru i jana disuru ia kehe sian bagasnia i.

PANGARATAION 24:3

tapi bayo i pe nada giot ia muse be mamake anak boru i jana dibaen ia muse ma surat sirang jana dipasahat ia ma i tu anak boru i lalu disuru ia morot sian bagasnia i. Sanga mate ma umpamana halaklahinia na paduahon i.