JEREMIA 3:6 - BIBEL JAMITA NA DENGGAN

⁶ Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 3:6 ပူးပေါင်းရင်းမြစ်များ

1 RAJA-RAJA 14:23

Di ginjang ni angka dolok dohot di toru ni angka hayu na godang, dipajongjong halahi do angka inganan parsombaan tu gana-ganaan jana dipajongjong halahi angka tugu dohot angka gambaran ni debata boru-boru Asera baen sombaon.

2 JUJUR TAON 34:1

Marumur salapan taon ma si Josia di na gabe raja ia di Juda, jana tolu pulu sada taon lolotna mamarenta ia di Jerusalem.

MASMUR 106:39

Pangalaho i ma mambaen hodar halahi; nada setia tu Debata halahi.

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

JESAYA 57:7

Kehe do hamu tu puncu ni angka dolok laho pasahatkon pelean lalu pasombuhon hagiot ni sibukmunu.

JEREMIA 1:2

Mangkuling ma Debata tu si Jeremia di taon patolu bolaskon dung mamarenta si Josia anak ni si Amon raja ni Juda.

JEREMIA 11:10

Madung dipambaeni halahi dosa na nibaen ni ompu ni halahi narobi; disomba halahi do angka debata jana nada ra halahi mangoloi parentangKu. Rap mangalaosi do halak Israel dohot Juda di parjanjian na Hubaen dohot ompu ni halahi.

JEREMIA 17:2

Marsomba angka halakmu di angka langgatan dohot angka tiang gana-ganaan na dipajongjong di Debata Boru-boru Asera, di sandok hayu na rumbun, di puncu ni angka dolok,

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEHESKIEL 16:31

Di balerong ni pasar dohot di topi ni sandok dalan dipajongjong ho do angka inganan parsombaan ni gana-ganaan jana marmainan ho disi. Tapi nada songon siboru jalang na somal ho manghaporluhon hepeng.

JEHESKIEL 16:35

Hara ni i, ale siboru jalang! Tangihon ma hata ni Tuhan.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 23:11

Haru pe diligi angginia, si Oholiba na masa i, tapi gumogo dope hagiotnia marhamainan ulang pado angkangna.

JEHESKIEL 23:4

Goar ni siangkaan i si Ohola; i ma gambaran ni Samaria. Goar ni anggina i si Oholiba, i ma na manggambarkon Jerusalem. Kawin ma Au dohot halahi na dua jana adong ma dakdanak sian halahi na dua.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 4:13

Di angka inganan parsombaan ni gana-ganaan di puncu ni angka tor dihaulkon hamu do haul jana ditutung hamu dupa di toru ni angka hayu na godang jana na rumbun disi hara ni na laung inganan i. Tapi aha do akibatna? Gabe panggampang do angka borumunu jana parumaenmunu gabe dadaboru parhamainan!

HAKIM-HAKIM 2:17

Hape nada parduli halak Israel di angka pamimpin i. Nada setia halahi tu Tuhan, tapi marsomba do tu angka debata na asing. Nada diihutkon halahi tiruan na sian ompu na umpompar halahi na burju mangoloi tu angka parenta ni Tuhan.