JEREMIA 3:4 - BIBEL JAMITA NA DENGGAN

⁴ Saonnari didok ho tu Au, Amangmu Au, na holong do rohangKu di ho mamungka sian hamenehanmu.

JEREMIA 3:4 ပူးပေါင်းရင်းမြစ်များ

MASMUR 119:9

Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

MASMUR 71:17

Diajari Ho do au ale Debata, mamungka sian haposoonku, lopus sadarion hupajojor do pambaenanMu na pahomang roha.

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

PODA 1:4

Halak na hurang pangalaman diajari do gabe malo, jana halak na poso diajarisa gabe halak na marbinoto boti marbisuk.

PODA 2:17

Dadaboru na so setia do i tu halaklahina sandiri jana madung dihalupahon ia janjina tu Debata.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MALEAKI 2:14

Sapa-sapa hamu sanga hara ni aha umbaen na so dijagit Ia angka haulmunu. Anggo dalanna i ma hara ni na niboto ni Tuhan do na manguba janji hamu dohot dadaborumunu na dibuatmunu taran di haposoonmu. Anak boru i ma dongamunu sahangoluan, hape diose hamu do janjimunu tusia. Haru pe na dung marsumpa hamunu di jolo ni Debata mandok tongtong burju ho tusia.