JEREMIA 3:21 - BIBEL JAMITA NA DENGGAN

²¹ Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

JEREMIA 3:21 ပူးပေါင်းရင်းမြစ်များ

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

PODA 10:9

Sonang do halak na burju, tapi tartangkup do halak na jahat.

PODA 19:3

Adong do halak na manyegohon dirina hara ni haotoonna, dung i Tuhan ma dipasala ia.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 13:25

I ma bagianmu na dung Hutontuhon hara ni na nihalupahonmu Au jana porsaya ho tu angka gabus.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

JEHESKIEL 23:35

Didok Tuhan Debata i ma, “Hara ni na dihalupahonmu Au jana dihudukkon ho, manaon parkancitan noma ho patunda ni gogo ni hagiotmu dohot parhamainonmu.”

JEHESKIEL 7:16

Malua do nian deba jana maporus ma i tu partoran songon darapati na nihabur sian rura. Mangangguhi be ma i hara ni angka dosa ni halahi.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

BILANGAN 22:32

Disapai Surusuruan Ni Tuhan i ma, “Biasi dipukul ho halodemu pola tolu noli? Madung ro Au laho mangolat ho, angke na so tola hian do ho kehe.

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.