JEREMIA 3:20 - BIBEL JAMITA NA DENGGAN

²⁰ Hape songon ripe na so setia, ho pe na so setia do tu Au. Au Tuhan, madung mandok songon i.”

JEREMIA 3:20 ပူးပေါင်းရင်းမြစ်များ

JESAYA 24:16

Sian angka ujung ni tano on tarbege ma ende puji-pujian di Israel, bangso na tigor i. Hape nada adong arop ni rohangku! Marhancit do au! Laing mangarampok do parjahat, mur martamba jahat dope tehe halahi.

JESAYA 48:8

Nada ditangihon ho sanga diboto ho, jana pinggolmu pe nada tarbuka sian najolo; tapi Huboto do, bahaso na durako do ho, jana didok halak do ho pangalaosi mulai sian bortian.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

HOSEA 5:7

Nada unduk halahi tu Tuhan, angke madung disorangkon halahi angka dakdanak gampang. Hara ni i, nada sadia honok nari abiskonon noma halahi dohot angka ladang ni halahi.

HOSEA 6:7

Tapi songon si Adam, digagai hamu do janjimunu dohot Au.

MALEAKI 2:11

Dilaosi Juda parjanjian ni halahi dohot Debata, jana dibaen halahi pangalaho na jorbut di Jerusalem dohot di sude luat i. Dipahodar halahi do Inganan Na Badia na nihaholonganNia i. Dibuat halahi do angka boru na marsomba tu angka debata ni bangso sileban.