JEREMIA 3:19 - BIBEL JAMITA NA DENGGAN

¹⁹ Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

JEREMIA 3:19 ပူးပေါင်းရင်းမြစ်များ

MASMUR 106:24

Gabe ditulak halahi do tano na jeges hara ni na so porsaya di janjiMu, ale Debata.

MASMUR 16:6

Na denggan do na nilehenMi di au ale Tuhan, mambaen rohangku tongtong sonang!

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

PODA 3:35

Dapotan hasangapon do halak na marbisuk, tapi martilako do halak na oto.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 3:4

Saonnari didok ho tu Au, Amangmu Au, na holong do rohangKu di ho mamungka sian hamenehanmu.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

JEREMIA 5:7

Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

DANIEL 11:16

Roha-roha ni raja ni Siria i ma baenonna nada adong pola be paraloan mangambatisa. Inganannia ma tano parjanjian i jana marguru disia sajo noma sudena.

DANIEL 11:41

Salang tano na denggan i pe porangannia muse do, jana bunuonnia ma halak marribu-ribu. Tapi anggo Harajaan Edom, Moab dohot tano na ummarga sian Harajaan Amon, malua do i.

DANIEL 11:45

Mur baenonnia muse ma benteng ni harajaannia na godang jana na gincat i di antara ni laut dohot Dolok Na Jeges na badia. Tapi mate do ia muse jana sahalak pe nada adong na mangurupi ia.”

DANIEL 8:9

Tubu ma sada tanduk na menek sian sada tanduk na opat i na mabidang kuasona adop Selatan, adop Habincaran dohot adop tano na denggan.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.