JEREMIA 3:17 - BIBEL JAMITA NA DENGGAN

¹⁷ Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 3:17 ပူးပေါင်းရင်းမြစ်များ

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

1 RAJA-RAJA 8:41

“Muda adong sada halak na leban na maringanan di luat na asing umbege taringot tu hagodanganMu dohot taringot tu angka hahomangan na dung nibaenMu tu bangsoMu gabe ro ia tu luat on laho pasangap Ho, jana martangiang adop bagas on,

MASMUR 102:23

Dibuat Tuhan gogongku dompak di haposoonku, madung dipapendek Ia umurku.

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

MASMUR 87:3

Angka pangalaho na denggan didokkon taringot tu ho; ale Kota Ni Debata.

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 56:6

Tu angka halak na asing na dung masuk etonganna tu bangso ni Tuhan, na manghaholongi jana na mangoloi Tuhan, na pasangapkon Ari Sabat jana setia tu parjanjianNia, didok Tuhan do,

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JESAYA 66:18

Huboto do pikiran dohot parbuatan ni halahi. Ro Au laho paluhutkon angka jolma sian sandok bangso. Muda marlagut halahi, idaon ni halahi ma kuasongKu

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JEREMIA 11:8

jana Husuru halahi mangoloi parjanjianKi, hape nada ra halahi manangihon jana nada marpangoloion. Hara ni i, sandok uhuman na adong di bagasan parjanjian i madung Hutimpalkon tu halahi.”

JEREMIA 12:15

Tapi dung Huparuar halahi, haholonganKu ma halahi, obanonku ma ganop bangso tu tanona be.

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 17:12

Habangsa hamuliaan, sangap do sian mulana, inganan na badia di hita!

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

JEHESKIEL 1:26

Di ginjang ni na songon langit i adong muse do sada tarsongon habangsa sian batu intan nilam, jana di ginjangna i juguk ma na songon jolma idaon.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

BILANGAN 15:39

Hasaya ni rambu-rambu i gabe parningotan ma i. Ganop diida hamu i ingotonmunu ma sude parentangKu jana angkon patulusonmunu. Jadi hara ni i nada hudukkononmunu be Au giot patuluskon lungun ni rohamunu dohot hagiotmunu sandiri.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

GALATIA 4:26

Tapi anggo Jerusalem na di banua ginjang i, i ma boru na mardeka, jana i ma ina di hita.

PANGARATAION 29:29

Adong do sanga na piga pangalaho na nitabunihon ni Tuhan Debatanta; tapi anggo UhumNia madung nian dipatangkas Ia tu hita, jana angkon oloanta do i dohot pomparanta salolot-lolotna.”

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.