JEREMIA 29:7 - BIBEL JAMITA NA DENGGAN

⁷ Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

JEREMIA 29:7 ပူးပေါင်းရင်းမြစ်များ

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

ESRA 7:23

Tangkas ma baen di na paradehon sasude na niporluhon ni Debata na markuaso di banua ginjang i baen di BagasNia anso ulang muruk Ia tu au sanga tu angka jolma na mamarenta dung au.

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEHESKIEL 11:16

Hara ni i, palalu ma jolo tonangKon tu angka donganmu na tarbuang i, Au do na maroban halahi songon i daona tu tonga-tonga ni angka bangso jana paserakkon halahi di angka luat i. Tapi haru songon i pe, sai na dongananKu do halahi taran disi halahi.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

SURAT NI SI PAULUS TU PARLAGUTAN ROM 13:5

Hara ni i patut ma unduk rohanta, nada hum hara ni rimas ni Debata, tapi na dionjar ni taroktok i do.