JEREMIA 28:6 - BIBEL JAMITA NA DENGGAN

⁶ “Denggan! Sai tulus ma nian alatanmi, jana sai saut ma dioban Tuhan sian Babel angka barang-barang ni Bagas Ni Tuhan rap dohot sude halak na tarbuang tusi.

JEREMIA 28:6 ပူးပေါင်းရင်းမြစ်များ

1 RAJA-RAJA 1:36

“Denggan ma i Rajanami,” ninna si Benaya mangalusi, “Sai diparsahalai Tuhan Debata ni raja i ma angka parenta ni raja i.

1 JUJUR TAON 16:36

Puji ma Tuhan, Debata ni Israel! Puji ma Ia saonnari ro di salolotna! Dung sidung diendehon si Asap dohot angka halak Levi i ende i, didok halak Israel ma sude, “Amen,” jana dipuji halahi ma Tuhan.

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 41:13

Puji ma Tuhan, Debata ni Israel! Puji ma Ia saonnari bope sapanjangna! Sai tulus ma songon i. Amen!

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 89:52

Puji ma Tuhan ro di salolot-lolotna. Tulus ma songon i! Amen!

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 28:3

Di bagasan dua taon on, paulahonKu ma angka barang-barang na sian BagasKu na dioban ni Raja Nebukadnesar tu Babel.

ZAKARIA 6:10

Didok Ia ma, “Buat ma haul na nilehen ni si Heldai, si Tobia, dohot si Jedaya i, i ma angka halak na baru mulak sian habuangan na di Babel i. Oban ma manigor haul ni halahi i tu bagas ni si Josia anak ni si Zepanya.

BILANGAN 5:22

Masuk ma aek on tu butuhamu mambaen ho busungon jana hesut na niabitanmi.” Alusan ni dadaboru i ma, “Hujagit ma i; sai dibaen Tuhan i ma songon i.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 19:4

Jadi gabe manungkap ma pamimpin sidua pulu opat halak i dohot mahluk siopat-opat na humaliang habangsa i jana marsomba ma halahi tu Debata na juguk di habangsa i. Ninna halahi ma, “Amen! Haleluya!”

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HALUMBAAN 5:14

Dung i mangalusi ma mahluk siopat-opat i, “Amen” ning halahi. Jana manungkap ma angka pangituai i laho marsomba.