JEREMIA 28:16 - BIBEL JAMITA NA DENGGAN

¹⁶ Hara ni i pandok ni Tuhan sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu Tuhan.”

JEREMIA 28:16 ပူးပေါင်းရင်းမြစ်များ

PAMUNGKAAN 7:4

Pitu ari nari paroonKu ma udan na so ra sumirsir opat pulu ari opat pulu borngin lolotna anso abis sude sandok na mangolu na Hutompa i.”

1 RAJA-RAJA 13:34

Pambaenannia na jat i ma mambaen mago tu angka pomparannia lopus abis halahi sude.

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

JEREMIA 20:6

Jana ho ale Pashur rap dohot isi ni bagasmu laing tangkuponna ma ho jana obanonna tu Babel. Disi ma ho mate jana ditanom; laing songon i ma sude donganmu na manangihon angka gabus na nipardokkonanmi.’ ”

JEREMIA 28:17

Jadi laing di bagasan taon i di bulan papituhon, marujung ma ngolu ni si Hananya.

JEREMIA 28:3

Di bagasan dua taon on, paulahonKu ma angka barang-barang na sian BagasKu na dioban ni Raja Nebukadnesar tu Babel.

AMOS 7:17

didok Tuhan do, gabe panggampang noma dadaborumi di angka dalan ni kota, jana angka dakdanakmu hona bunu di bagasan porang. Bagi-bagion noma tanomi tu halak na asing, jana ho sandiri mate di tano ni halak sileban noma na so mananda Tuhan. Angkon boanon ma halak Israel tu habuangan dao sian tanona sandiri.”

AMOS 9:8

Satutuna, madung dipamanat Tuhan Debata harajaan na mardosa on, jana agohononKu noma i sian sisik ni tano on. Tapi anggo pomparan ni si Jakob nada sude abiskononKu. Au Tuhan Debata madung mandok songon i.

BILANGAN 29:32

Di ari papituhon haulkon hamu ma pitu lombu jantan na poso, dua biri-biri jantan, opat bolas anak ni biri-biri jantan na marumur sataon, sudena i na so martihas.

PANGARATAION 6:15

Muda disomba ho angka debata na asing, gabe dondonan ni rimas ni Tuhan ma hamu songon api, jana abis ma ho pusaonna, angke nada ra Tuhan Debatamu na maringanan di tonga-tongamunu i marimbang.