JEREMIA 28:13 - BIBEL JAMITA NA DENGGAN

¹³ kehe tu si Hananya mandok songon on, “Pandok ni Tuhan, ‘Madung ditipulhon ho auga hayu, tapi baenonKu ma auga bosi songon gontina!’

JEREMIA 28:13 ပူးပေါင်းရင်းမြစ်များ

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

MASMUR 107:16

Diparrumpakkon Ia angka pintu tumbaga, angka palang bosi diparropukkon Ia.

MASMUR 149:8

laho mangihoti angka raja-raja, dohot mangarante angka parkuasona;

JESAYA 45:2

“Hujoloi ho laho manotas dalan boluson, dolok dohot tor giot pahornopon. Giot partaporkononKu angka pintu tumbaga, dohot goruk-goruk bosi baenonKu marponggolan.

JEREMIA 27:15

Didok halahi, manghatai halahi mangasahon goar ni Tuhan, hape na margabus do halahi, Tuhan sandiri mandok, nada Ia marsuru halahi. Hara ni i giot sarsarkononNia noma raja i jana matehononNa rap dohot angka panurirang na margabus tu raja i.”

JEREMIA 27:2

mambaen tali-tali dohot auga sian hayu, lalu hupasang di tangkuhukku.

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

JEHESKIEL 30:18

Di ari i, di na Hupaujung sahala ni Mesir jana Hubuat kuasonia na nihagodangkonnia i, manggolap ma Tahpanhes jana tangkuponna ma angka dadaboruna.

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.