JEREMIA 28:11 - BIBEL JAMITA NA DENGGAN

¹¹ Didok ia ma di jolo ni sude rayat na adong disi, “Pandok ni Tuhan songon on ma pamonggolNia di auga na nibaen ni Raja Nebukadnesar di tangkuhuk ni sandok bangso; di bagasan dua taon on, baenon ni Tuhan ma songon i.” Dung i kehe muse ma au.

JEREMIA 28:11 ပူးပေါင်းရင်းမြစ်များ

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

1 RAJA-RAJA 22:6

Jadi dipalagut si Ahab ma hira-hira opat ratus halak panurirang jana disapai ia ma tu halahi, “Tola dehe kehe au mamorangi Ramot sanga nada?” “Tola do!” ning halahi. “Lehenon ni Tuhan do hamonangan tu raja i.”

2 JUJUR TAON 18:10

Sada sian angka panurirang i, i ma si Zedekia anak ni si Kenaana, dibaen ia ma angka tanduk-tanduk sian bosi lalu didok ia ma tu si Ahab, “On ma na nidok ni Tuhan, ‘Rap dohot angka tanduk on ma raja i mamorangi Siria jana mangaroncohon halahi.’ ”

PODA 14:7

Pasimbil ma halak na bodo, harana nada adong dapot parbinotoan sian i.

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEREMIA 29:9

GoarKu pe dipake halahi do laho mancaritohon tu hamu angka pangalaho na so tutu. Nada Au marsuru halahi. Au Tuhan madung mandok songon i.’

JEHESKIEL 13:7

Au Tuhan Debata mandok tu halahi, ‘Na pargabus do angka parnidaanmunu i jana gabus do angka alatanmunu. Didok hamu, tona sian Au do sudena i, hape so jungada Au mangkuling tu hamu! Hara ni i, gabe alomunu noma Au.