JEREMIA 27:6 - BIBEL JAMITA NA DENGGAN

⁶ Au ma da na pasahatkon bangso on sudena tu bagasan kuaso ni naposongKu si Nebukadnesar raja ni Babel i. Salang dohot binatang pe Hupasahat do tusia sirajaanna.

JEREMIA 27:6 ပူးပေါင်းရင်းမြစ်များ

2 RAJA-RAJA 25:28

jana denggan dibaen tusia. Dilehen ia ma tu si Joyakin pangkat na gumincat sian angka raja na asing na dohot tarbuang tu Babel.

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 22:25

jana pasahatonKu tu angka jolma na nihabiaranmu jana na marpor ni roha mamunu ho. PasahatonKu ma ho tu si Nebukadnesar raja ni Babel rap dohot paranganna.

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 28:14

Songon on ma didok Tuhan, Debata ni Israel, na giot baenonNia ma auga bosi tu tangkuhuk ni sude bangso on, jana tunduk ma halahi sude mangoloi tu si Nebukadnesar, raja ni Babel. Laing didok Tuhan muse do, binatang panyoro pe pasahatonNia do tu toru ni kuaso ni si Nebukadnesar.”

JEREMIA 43:10

Lalu dokkon ma tu halahi, bahaso Au Tuhan Na Markuaso, Debata ni Israel, giot paroonKu naposongKu si Nebukadnesar raja ni Babel tu inganan on. Jana di ginjang ni angka batu na nitanommu di bagasan tano i, giot pajongjongonnia ma habangsania lalu pahirbangonnia bandar ni harajaannia.

JEREMIA 49:30

O hamu halak Hasor! Au Tuhan mandok: Ompoti hamu ma kehe mangungsi dohot martabuni. Madung martahi si Nebukadnesar raja ni Babel laho manyaroso hamu. Didok ia,

JEHESKIEL 29:12

BaenonKu ma Mesir mamolngit lopus gabe Mesir ma na lumungun sian sude luat na lungun. Opat pulu taon honokna gabe buang angka kota ni Mesir, jumatjat sian sego-sego ni kota sanga na dia pe. BaenonKu ma bangso Mesir gabe angka pangungsi. Marsurak noma halahi tu sude luat jana maringanan di tonga-tonga ni bangso na asing.”

JEHESKIEL 30:24

Jadi pargogoanKu ma tangan ni raja ni Babel, jana Hubaen podangKu di tangannia i. Tapi anggo tangan ni raja ni Mesir i tipulkononKu ma i lopus mangarar ia jana mate di adopan ni raja ni Babel, musuna i.

DANIEL 4:12

Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.