JEREMIA 27:5 - BIBEL JAMITA NA DENGGAN

⁵ “Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 27:5 ပူးပေါင်းရင်းမြစ်များ

PAMUNGKAAN 1:25

Songon i ma panompa ni Debata di sasudena i jana denggan ma i diida Debata.

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

NEHEMIA 9:22

Dilehen Ho di halahi hamonangan maradopkon bahat bangso dohot harajaan, songon i maradopkon sandok luat, huta dohot tano na marbalokkon tano ni halahi sandiri. Hesbon tano ni Raja Sihon dirampas halahi; Basan tano ni Raja Og diingani halahi.

MASMUR 102:25

narobi ni narobi dijadihon Ho hasiangan; jana dohot tanganMu sandiri dibaen Ho rupa ni langit i.

MASMUR 96:5

Patung sajo do anggo debata ni bangso na asing i, tapi anggo Tuhanta, Ia do na manompa alam sasudena i.

HARURUAR 20:11

Dibaen di bagasan onom ari do lolotna ditompa Tuhan langit dohot tano, laut dohot nasa isina, jana maradian do Ia di ari papituhon i. Hara ni i ma dibaen dipasupasu Tuhan Ari Sabat i jana diparbadiai.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 48:13

TanganKu do na mamayakkon ojahan ni portibi, jana tangan siamunKu do na pahembang langit i. Muda Hupio halahi, manigor rap udur do ro halahi.

JESAYA 51:13

Hara ni i dihalupahon ho ma Tuhan na manompa ho, na pahembangkon langit jana mamayakkon ojahan ni tano on, hara ni i mabiar jana gamang ho sasadari, maradopkon pangamuk ni na mamparkanciti, di na singkop ia giot pangabiskon ho. Di dia ma he lakna pangamuk ni na mamparkanciti i?

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 51:15

Ditompa Tuhan do portibi on marhite kuasoNia, marhite hapistaranNia digana Ia portibi. Dipahembang Ia tano on marhite akalNia.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 4:14

Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

PANGARATAION 2:19

Jadi madung donok hamu tu tano ni halak Amon, pomparan ni si Lot. Ulang hahua hamu sanga porangi hamu halahi, harana sian tano na dung Hulehen di halak i, saotik pe nada adong na giot lehenonKu di hamu.’ ” (

PANGARATAION 2:21

Songon halak Anakim, halahi pe laing bangso na ginjang na godang do. Santak do gogo ni halahi, jana bilanganna pe bahat. Hape diabisi Tuhan do halahi, gabe dirampas halak Amon tano ni halahi, lalu diingani halahi.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

PANGARATAION 2:9

Didok Tuhan tu au, ‘Ulang hahua hamu halak Moab pomparan ni si Lot i, jana ulang porangi hamu. Na dung Hulehen do kota Ar di halahi jana sian tano ni halahi i, saotik pe nada lehenonKu i di hamu.’ ” (

PANGARATAION 32:8

Ditontuhon Ia batas di ganup bangso, dibagi do i hombar tu torop ni bangso Israel.

PANGARATAION 4:17

binatang sanga unggas,

PANGARATAION 4:25

Muda dung honok hamu sanoli on maringanan di luat i, jana madung maranak marpahompu, ulang muse mardosa hamu hara ni na mambaen di dirimunu patung ni bagi aha sajo pe. Hajahatan do pangalaho na songon i di adopan ni Tuhan, jana na mambaen bonsir gabe muruk Ia.

PANGARATAION 4:32

Tangkasi hamu ma hatiha na dung salpu, dao taran so sorang dope hamu, mamungka sian ari di na nitompa ni Debata jolma di tano on. Jalahi hamu ma di sandok portibi on. Unjung dehe tarjadi pangalaho na songon on godangna di jolo ni on? Adong dehe halak na jungada umbege taringot tu na masa sisongon on?

PANGARATAION 4:35

Dipatuduhon Tuhan do sudena i tu hamu laho patorangkon na sasada Ia do Debata, jana nada adong be na asing.

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

KOLOSSE 1:16

Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”