JEREMIA 27:19 - BIBEL JAMITA NA DENGGAN

^19-22 Angke Au Tuhan Na Markuaso, Debata ni Israel, madung mamutuskon angkon obanon sude barang-barang i tu Babel, jana hot noma i disi lopus Huparrohahon mangulahi. Di hatiha i baru pe anso Huoban mangulahi tu inganan on. Au Tuhan, madung mandok songon i.” Angka barang-barang na adong dope di Bagas Ni Tuhan i, i ma: angka tiang, bak tumbaga, angka kareta, dohot deba nari barang na asing nampuna ni Bagas Ni Tuhan. Nada dohot angka barang i dioban tu Babel di na hona oban ni Raja Nebukadnesar tu Babel si Joyakin anak ni si Joyakim raja ni Juda dohot angka hatobangon ni halak Juda.

JEREMIA 27:19 ပူးပေါင်းရင်းမြစ်များ

1 RAJA-RAJA 7:23

Dung i dipauli si Hiram muse ma kula na tingko na nibaen sian tumbaga, na marukuran songon on, bagasna 2,2 meter langka tongana 4,4 meter jana marhatingkoan 13,2 meter.

1 RAJA-RAJA 7:27

Dibaen si Hiram muse dope sampulu kareta tumbaga. Ganop kareta unjur dohot tohangna rap 1,8 meter dohot gincatna 1,3 meter.

2 RAJA-RAJA 25:13

Angka tiang tumbaga dohot angka kareta na adong di Bagas Ni Debata rap dohot sambong tumbaga i ditapor-tapor halak Babel i do i sude, jana sude tumbagana i dioban tu tano Babel.

2 RAJA-RAJA 25:17

Sarupa do tiang tumbaga na dua i; rap salapan meter do gincatna, na marulu ni tiang sian tumbaga 1,3 meter gincatna. Humaliang ni ulu ni tiang i adong muse do dandananna na mamake hiasan batu ni dalimo na sian tumbaga.

2 JUJUR TAON 36:18

Sude do dirampas raja ni Babel i angka parkokas ni Bagas Ni Tuhan dohot angka barang-barang sigodang arga, songon i dohot sinadongan ni raja dohot angka pagawena i lalu dioban tu Babel.

ANDUNG 1:10

Dirampas angka musuna sude sinadonganna; diida ia halahi masuk tu Bagas Ni Debata, haru pe diorai hian mambaen na songon i di halak na so masuk bangso ni Tuhan i.

DANIEL 1:2

Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.