JEREMIA 27:18 - BIBEL JAMITA NA DENGGAN

¹⁸ Anggo na tutu do halahi panurirang, jana na dung manjagit tona sian Au, angkon pangidoon ni halahi saonnari tu Au, Tuhan Na Markuaso, anso ulang dioban tu Babel angka barang-barang na adong dope di BagasKu dohot di bagas godang na di Jerusalem.

JEREMIA 27:18 ပူးပေါင်းရင်းမြစ်များ

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

1 RAJA-RAJA 18:24

Padiar ma ditangianghon angka panurirang ni Baal i tu debata ni halahi, jana au pe martangiang ma tu Tuhan. Na mangalusi dohot na marsuru api – i ma ibana Debata.” Marsurak ma sude rayat i mangalusi, “Satuju!”

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

2 JUJUR TAON 32:20

Jadi gabe martangiang ma Raja Hiskia dohot Panurirang Jesaya anak ni si Amos. Pio-pio ma halahi tu Debata.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 7:16

Didok Tuhan, “Ale Jeremia, ulang tangiangkon angka jolma on. Ulang mangido tolong sanga ditangiangkon ho salaho tu halahi: Ulang sosak-sosak Au angke nada ra Au manangihon pangidoanmi.

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

MALEAKI 1:9

Antong, hamu ale angka malim, cubo hamu ma jolo mangido tu Debata anso ibo nian rohaNia mida hita. Nada alusanNia tangiangmi, jana patunda ni dosamu sandiri ma sudena i.

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 7:8

Didok halahi ma tu si Samuel, “Ulang mantak ho na martangiang i tu Tuhan Debatanta anso dipalua Ia hita sian halak Pilistin.”