JEREMIA 27:12 - BIBEL JAMITA NA DENGGAN

¹² Hupalalu muse ma songon i tu si Zedekia raja ni Juda. Hudok ma, “Manyora ma da tu raja ni Babel. Tunduk ma da ho tusia dohot tu bangsonia i, anso malua raja i.

JEREMIA 27:12 ပူးပေါင်းရင်းမြစ်များ

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 21:9

Ganop halak na tinggal di bagasan kota mate ma baenon ni podang, tangkuraparon sanga nyae masa. Tapi sanga ise na haruar laho tunduk tu halak Babel na mamorangi kota on, malua do halahi jana nada hona bunu.

JEREMIA 27:8

Tapi anggo bangso sanga harajaan na so ra tunduk tu si Nebukadnesar, uhumonKu do i marhite porang, tangkuraparon, dohot nyae lopus ujungna tunduk bangso i tusia.

JEREMIA 28:1

Laing di bagasan taon i, di bulan lima taon paopatkon dung mamarenta Raja Zedekia mangkuling ma tu au si Hananya anak ni si Asur sada halak panurirang sian kota Gibeon, di Bagas Ni Debata. Dijolo ni angka malim dohot rayat didok ia tu au,

JEREMIA 28:2

songon on didok Tuhan Na Markuaso i, Debata ni Israel, “Madung Huropuk hagogoon ni raja Babel.

JEREMIA 38:17

Dung i hudok ma tu si Zedekia, songon on do didok Tuhan Na Markuaso i, Debata na nisomba ni halak Israel, “Muda dipasahat ho do dirimu tu angka tentara ni raja Babel i, nada bunuonna ho, jana kota on pe nada tutungonna. Malua do ho dohot dongan sabagasmu.

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.