JEREMIA 26:9 - BIBEL JAMITA NA DENGGAN

⁹ Papuluk-pulukkon ho mandok mangasahon Tuhan na giot songon Silo BagasNa on, dohot kota on roncohonon jana gabe lobu,” ning halahi. Dung i dirongomi halak na bahat i ma au.

JEREMIA 26:9 ပူးပေါင်းရင်းမြစ်များ

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JEREMIA 32:3

hara ni na ditudu au pabotohon na nidok ni Tuhan songon on, “PadiaronKu do raja ni Babel manaluhon kota on.

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

MIKA 2:6

Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 27:20

Tapi torus ma dijajang-jajang angka Sintua Ni Malim dohot angka hatobangon ni halak Jahudi i halak na bahat mangido tu si Latus anso si Barabbas dipalua. Tapi anggo Jesus nibunu ma.

MARKUS 15:11

Tapi dijajang angka sintua ni malim i ma halak na bahat i anso si Barabbas dipangido halahi tu si Latus.

JOHANNES 8:20

Sudena i didok Jesus, hatiha mangajari Ia di Bagas Ni Debata di lambung ni poti hepeng. Tapi sahalak pe nada adong na manangkup Ia, angke nada podo dapot hatihana.

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

BAENON NI ANGKA RASUL 13:50

Tapi dijajang halak Jahudi i ma angka dadaboru sian halak na sangap angka na mangkabiari Debata. Dipatubu halahi ma goyak ni roha mida si Paulus dohot si Barnabas, jana dipaorot halahi ma halahi na dua sian luat i.

BAENON NI ANGKA RASUL 21:30

Jadi gabe gaor ma sude na sakota i, marsilojongkon lojongna ma halahi songon i marrongom. Ditangkup halahi ma si Paulus jana disarat halahi ma tu ruar ni Bagas Ni Debata i. Santongkin i manigor ditutup ma pintu ni Bagas Ni Debata.

BAENON NI ANGKA RASUL 22:22

Laing dipatangi-tangi halak na bahat i dope si Paulus na mandok hata i, tapi di ujung ni pandohannia i, marsurak ma halahi sagogo-gogona, “Gumonan ma nimatehon anggo halak sisongon i. Nada tama be mangolu i!” ninna halahi.

BAENON NI ANGKA RASUL 3:11

Hara ni na torus dipaihut-ihut bayo i si Petrus dohot si Johannes, jadi sude ma halak na bahat na tarhomang i marroan mangarongomi halahi di emper na margoar “Emper Salomo”.

BAENON NI ANGKA RASUL 5:12

Hara ni pangkobasion ni angka rasul i, gabe bahat do hahomangan dohot na so unjung masa tarjadi di tonga-tonga ni halak na bahat i. Saroha ma angka na porsaya i marlagut di Emper Salomo.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 6:14

Hami bege do didokkon ia, na giot rumpakkonon ni Jesus halak Nasaret i adat na denggan na nilehen ni si Musa tu hita!”

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.