JEREMIA 26:23 - BIBEL JAMITA NA DENGGAN

²³ Dung i dioban halahi ma ia mulak mangulahi tu Raja Joyakim. Dung i disuru raja i ma anso dibunu ia, jana diambungkon bangkena i tu kuburan ni halak na bahat.

JEREMIA 26:23 ပူးပေါင်းရင်းမြစ်များ

2 RAJA-RAJA 23:37

Songon angka ompungna do si Joyakim mardosa maradopkon Tuhan.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

JEREMIA 22:19

Saraton ma si Joyakim jana sampakkononna tu balian ni pintu horbangan ni Jerusalem songon na nibaen ni halak tu bangke ni halode.”

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

JEREMIA 36:30

Hara ni i Au Tuhan mandok tu ho ale Joyakim, sahalak pe sian pomparanmu nada adong be na mamarenta songon pomparan ni si Daud. Sampakkonon ma bangkemu tu balian, dipangan las ni ari di arian dohot ombun manyorop di bornginna.

JEHESKIEL 19:6

Impas godang ma anak ni singa i jana mardongan dohot singa na asing i. Marsiajar ma ia manjalahi soroanna, jana laing dohot muse jolma dipangansa.

MATEUS 14:10

Disuru ia ma halak tu hurungan laho manggotap ulu ni si Johannes.

1 TESSALONIKA 2:15

Halak Jahudi i do na mamunu Tuhan Jesus dohot angka panurirang, hami pe diparkanciti halahi muse do. Sai torus do dialo halahi Debata jana gabe musu ni sude jolma do halahi!

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.