JEREMIA 26:20 - BIBEL JAMITA NA DENGGAN

²⁰ Jungada muse do adong sada halak nari na mangkuling mangalo kota dohot bangsonta on mangasahon goar ni Tuhan, songon na hubaen on. Si Uria goar ni bayo i, anak ni si Semaya na sian Kiryat-Jearim.

JEREMIA 26:20 ပူးပေါင်းရင်းမြစ်များ

1 RAJA-RAJA 18:10

Mangasahon Debatamu Tuhan na mangolu i, husumpahon ma, na dung disuru raja i do manjalahi ho amang di ganop luat di na satano on. Muda didok parkuaso di sada luat na so adong ho di luat i, digogohon si Ahab do anso marsumpa parkuaso i paboa na tutu situtu na so adong tarida ho amang di luat i.

2 RAJA-RAJA 23:37

Songon angka ompungna do si Joyakim mardosa maradopkon Tuhan.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 36:19

“Angkon martabuni noma ho dohot si Jeremia. Ulang jabat adong halak na umboto inganan partabunianmunu i,” ning halahi.

JOSUA 15:60

Songon i muse kota na dua nari on rap dohot angka luat na humaliangna: Kota Kiryat-Baal (i ma Kiryat-Jearim) dohot kota Raba.

JOSUA 18:14

Sian Hasundutan ni dolok i, mangeldok ma garis batas ni tano i tu Selatan adop tu Kiryat-Baal (i ma Kiryat-Jearim). Marga Juda do nampuna Kiryat-Baal. I do batas ni tano i sabola Hasundutan.

JOSUA 9:17

Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim.

1 SAMUEL 6:21

Dung i disuru halahi ma utusan mandapotkon halak Kiryat-Jearim maroban tona songon on, “Madung dipaulak Tuhan Poti Parjanjian ni Tuhan i. Ro ma hamu jana paimbar hamu ma tu inganan munu i.”

1 SAMUEL 7:2

Laing honok do Poti Parjanjian ni Tuhan i tinggal di Kiryat-Jearim, adong do hira-hira dua pulu taon. Songon i ma lolotna sai pio-pio halak Israel mangido tolong tu Tuhan.