JEREMIA 26:2 - BIBEL JAMITA NA DENGGAN

² manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 26:2 ပူးပေါင်းရင်းမြစ်များ

JEREMIA 1:17

On pe markobas ma ho, Jeremia! Kehe ma ho jana paboa ma tu halahi sandok na Huparentahon tu ho. Ulang ho mabiar mida halahi, anso ulang Hubaen ho mur mabiar muda maradopan dohot halahi.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 19:14

Dung ditadingkon ia Tofet, i ma inganan na nisuru palaluonnia tona ni Tuhan i, kehe ma ia tu alaman ni Bagas Ni Debata jana jongjong ia disi, lalu dipaboa ma tu sandok halak,

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 25:2

Hudok ma tu sude bangso Juda dohot halak na maringanan di Jerusalem,

JEREMIA 28:5

Jadi hudok ma tu si Hananya di jolo ni angka malim dohot sude rayat na jongjong di Bagas Ni Tuhan i,

JEREMIA 36:10

Jadi disise si Barukh ma sian balunan ni surat i sandok na dung huhatahon, jana sude do halak manangihon. Di bagasan Bagas Ni Tuhan do i dipatupa, di kantor ni si Gemaria, anak ni si Safan juru tulis ni raja i. Di alaman parginjang i do kantor i, di lambung ni dalan laho masuk tu Pintu Horbangan Baru na di Bagas Ni Tuhan.

JEREMIA 42:4

Hualusi ma, “Antong denggan ma i. Hujagit ma pangidoanmunu i. Hutangiangkon ma tu Tuhan Debatanta i jana sanga aha pe antong alusna, hupaboa pe tu hamu sudena; sada pe nada tola bunihononku tu hamu.”

JEREMIA 7:2

“Jongjong ma ho di horbangan ni Bagas Ni Tuhan, baritahon ma hata on jana dokkon ma, ‘Tangihon hamu ma hata ni Tuhan, ale halak Juda, na masuk sian sude horbangan on laho marsomba Tuhan!’

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEHESKIEL 3:10

Didok Ia muse, “Ale jolma parsantongkinan, tangkas ma parrohahon jana ingot ma sudena na giot sidokkononKu tu ho.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

LUKAS 19:47

Ganop ari do mangajari Jesus di bagasan Bagas Ni Debata. Tapi anggo kapala ni malim dohot angka Siboto Surat, songon i angka bagian hatobangon ni halak Jahudi i, dijalahi halahi do dalan laho mamunu Jesus.

JOHANNES 18:20

Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

BAENON NI ANGKA RASUL 20:20

Diboto hamu do, na so pola maralang-alang au mandok sanga aha na marguna tu hamu. Huajari do hamu di tonga-tonga ni halak na bahat sanga pe na di bagas.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 5:25

Tapi ro ma sada halak paboahon tu halahi, “Boto ma, halak na nihurungkonmunu i, madung mangajari halahi saonnari tu halak na bahat di Bagas Ni Debata!”

BAENON NI ANGKA RASUL 5:42

Jana torus do halahi ganop ari mangajari di Bagas Ni Debata dohot di angka bagas ni halak, mamaritahon Jamita Na Denggan taringot tu Jesus Kristus.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.

HALUMBAAN 22:19

Jana sanga ise na mangurahi sanga aha sian angka sipaingot na sian halumbaan on, buaton ni Debata ma bagiannia sian hayu hangoluan dohot sian Kota Na Badia, songon na tarsurat di bagasan buku on.