JEREMIA 26:13 - BIBEL JAMITA NA DENGGAN

¹³ Hara ni i pauba hamu ma parngoluonmunu dohot angka pangalahomunu; oloi hamu ma Tuhan Debatamunu anso disundati Ia nietNia laho mangago hamu.

JEREMIA 26:13 ပူးပေါင်းရင်းမြစ်များ

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 18:8

hape muba roha ni bangso i sian dosana, jadi gabe Husundati do nietKi.

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEREMIA 26:3

Betak na ra do bangso i manangihon, gabe mantak mambaen na jahat gabe Husundati rohangKu laho mangago halahi hombar tu pambaenan ni halahi na jahat i.”

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 38:20

“Nada,” ningku mangalusi, “Nada pasahatonna raja i tu halahi. Gomos ma pangidoanku anso dioloi raja i ma nian tona ni Tuhan on; sidung do sudena i muse, jana nada hona bunu be raja i.

JEREMIA 42:10

‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

JUNUS 3:9

Betak na ra do Debata manguba nietNia gabe nada muruk be, jadi nada tulus hita bunuonNia!”

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

HAKIM-HAKIM 2:18

Muda dilehen Tuhan sada pamimpin di halak Israel, sai na ditolong Ia do i. Jana salolot mangolu pamimpin i, sai dipalua Tuhan do halahi sian angka musu ni halahi, dibaen ibo do rohaNia mida halahi muda dibege Ia halahi mangangguhi hara ni na diparkanciti jana dipapisat-pisat.