JEREMIA 26:11 - BIBEL JAMITA NA DENGGAN

¹¹ Didok angka malim ma dohot angka panurirang tu angka pamimpin dohot tu rayat i, “Patut do mate bayo on niuhuman, harana diparuar ia do angka hata na mangalo kota on. Hamu sandiri pe, madung mambege.”

JEREMIA 26:11 ပူးပေါင်းရင်းမြစ်များ

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 26:16

Jadi gabe didok angka pamimpin dohot rayat i ma tu angka malim, dohot angka panurirang i, “Mangasahon goar ni Tuhan Debatanta do bayo on mangkatai; nada patut ia mate niuhuman.”

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

MATEUS 26:66

Saonnari bia ma pandapotmunu?” Dialusi halahi ma, “Angkon ni pamate ma Ia.”

JOHANNES 18:30

Dialusi halahi ma, “Nada pola hami oban Ia tu Gubernur i anggo hara ni na so marsala.”

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

BAENON NI ANGKA RASUL 22:22

Laing dipatangi-tangi halak na bahat i dope si Paulus na mandok hata i, tapi di ujung ni pandohannia i, marsurak ma halahi sagogo-gogona, “Gumonan ma nimatehon anggo halak sisongon i. Nada tama be mangolu i!” ninna halahi.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

HAKIM-HAKIM 6:30

Dung i didok halahi ma tu si Joas, “Madung dirorak anakmu langgatan ni Baal jana dirumpakkon ia tiang na manggombarkon Dewi Asera na di lambungna i. Hara ni i, oban ma anakmi tu ruar on. Angkon mate i!”