JEREMIA 26:10 - BIBEL JAMITA NA DENGGAN

¹⁰ Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 26:10 ပူးပေါင်းရင်းမြစ်များ

2 RAJA-RAJA 15:35

Tapi anggo angka inganan parsombaan ni debata nada disegohon ia, jadi laing torus do anggo rayat mamelehon haul dohot na manutung hamonyan disi. Si Jotam on ma na mambangun Horbangan Utara na di Bagas Ni Debata.

2 JUJUR TAON 27:3

Dibangun si Jotam ma Pintu Horbangan Utara di Bagas Ni Debata jana dipatogu ia ma tembok Ofel na di Jerusalem.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

JEREMIA 26:21

Di na nibege ni Raja Joyakim rap dohot angka perwirania dohot angka na marpangkat di harajaan i angka pandohan ni si Uria i, diusahahon ia do mamunu si Uria. Tapi tarbege ma i tu si Uria, gabe mabiar ma ia lalu kehe ia gilo tu Mesir.

JEREMIA 26:24

Hape saonnari hara ni pangurupion ni si Ahikam anak ni si Safan, au si Jeremia nada dipasahat tu rayat i anso dibunu.

JEREMIA 34:10

Sude rayat dohot angka pajabat ni pamarenta na dohot di parjanjian laho paluahon angka hatoban ni halahi jana nada be parhatobanon ni halahi mangulahi, paluaon ni halahi ma tutu situtu angka hatoban ni halahi i.

JEREMIA 36:10

Jadi disise si Barukh ma sian balunan ni surat i sandok na dung huhatahon, jana sude do halak manangihon. Di bagasan Bagas Ni Tuhan do i dipatupa, di kantor ni si Gemaria, anak ni si Safan juru tulis ni raja i. Di alaman parginjang i do kantor i, di lambung ni dalan laho masuk tu Pintu Horbangan Baru na di Bagas Ni Tuhan.

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 22:6

Sude pamimpin ni Israel mangasahon gogo ni botohonna sandiri do jana sai mamunu jolma.