JEREMIA 25:9 - BIBEL JAMITA NA DENGGAN

⁹ ‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 25:9 ပူးပေါင်းရင်းမြစ်များ

2 RAJA-RAJA 24:2

Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.

2 JUJUR TAON 29:8

Jadi di bagasan hamuruhonNa, diuhum Tuhan ma Jerusalem dohot Juda. Jana torang do diboto hamu sudena, songon dia songgotna dohot jorbutna pangkilalaan ni sude halak di tindakan ni Tuhan i.

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JESAYA 10:5

Didok Tuhan ma, “Hupake do Asur songon potuk-potuk laho mamukul angka halak na giot simuruhanKu.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

JESAYA 39:7

Sian angka pomparanmu adong ma i na giot buaton jana baenonna gabe pagawe bagas godang laho mangoloi raja ni Babel.”

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JEREMIA 1:14

Didok Tuhan ma, “Ro ma durus parmaraan sian Utara jana songgop ma i tu halak na di luat on sude.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 10:22

Tangihon hamu ma! Adong barita na paboahon sada bangso di Utara na mambaen hagaoran. Gabe mamolngit jana gabe lobu ma angka kota ni Juda baenon ni tentarana. Martabuni disi ma angka sorigala.”

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 18:16

Madung dibaen halahi luat on gabe inganan na jorbut jana gabe sihata-hataan sapanjangna. Sandok halak na mamolus marsiupirkon uluna be hara ni jorbut ni pangkilalaanna.

JEREMIA 2:15

Marngaur musuna i songon singa, gariang jana rumar tanona i dibaensa, angka kotana abis hona surbu, dipadiar mamolngit jana gabe lobu.

JEREMIA 20:4

Tuhan sandiri mandok, ‘BaenonKu ma ho gaor di bagasan dirimu sandiri dohot di angka donganmu. Idaon ni matamu ma halahi bunuon ni musu ni halahi. PadiaronKu ma sude halak Juda patunduhon ni Babel; haldungonna deba sian halahi gabe taban tu Babel jana tebana i mate niuhuman.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 25:8

Hara ni na so ra hamu manangihon hata na nidokNia, gabe didok Tuhan Na Markuaso i ma,

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 35:11

Tapi di na ro Raja Nebukadnesar mamorangi luat on, hami putuskon ma maporus sian tentara ni Babel dohot tentara ni Siria, jana mangungsi ma hami tu Jerusalem on. I ma dalanna umbaen na dison hami maringanan saonnari.”

JEREMIA 36:2

“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 40:2

Dipiohon komandan ni tentara i ma sasada au jana didok ma, “Na dung diondam ni Tuhan Debatamu do laho mangaroncohon luat on.

JEREMIA 43:10

Lalu dokkon ma tu halahi, bahaso Au Tuhan Na Markuaso, Debata ni Israel, giot paroonKu naposongKu si Nebukadnesar raja ni Babel tu inganan on. Jana di ginjang ni angka batu na nitanommu di bagasan tano i, giot pajongjongonnia ma habangsania lalu pahirbangonnia bandar ni harajaannia.

JEREMIA 46:20

Songon anak ni lombu na mokmok do Mesir, tapi diganggu lanok na godang sian Utara.

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

JEHESKIEL 12:20

Angka kota na laing diingani halak angkon gabe maronco jana tano ipe angkon gabe gariang, dung i botoonmunu ma bahaso Au do Tuhan.”

JEHESKIEL 16:40

Suruon ni halahi ma halak na bahat mandangguri ho dohot batu, jana ponggol-ponggolan ni halahi ma pamatangmi dohot podang.

JEHESKIEL 21:11

Digarut podang i anso singkop pakeon do i jana dipasahat ma i tu sada halak panyamboli.

JEHESKIEL 26:7

Didok Tuhan Debata i ma, “ObanonKu ma Raja Nebukadnesar sian Babel mamorangi ho ale Tirus. Ro ma raja na gumogo i sian Utara mardongan tentara na bahat, dohot kudo na bahatan maradu angka kareta porang songon i muse parangan na markudo.

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

HABAKUK 1:17

Padiaron ma he sai torus halahi manyintak podangna mamunui angka bangso, nada adong ampunna?

PANGARATAION 28:37

Tarsonggot be ma angka jolma na marnida ho di inganan parserahanmunu dibaen Tuhan paida-ida na masa di ho; siincak-incahan ni halak ma ho jana sipartataanna.