JEREMIA 25:7 - BIBEL JAMITA NA DENGGAN

⁷ Hape Tuhan i sandiri mandok na so ditangihon hamu do Ia. Mur dialap-alapi hamu muse do anso gilap murukNia hara ni angka gana-ganaanmunu i. Hamu sandiri do mangalap-alapi uhuman tu hamu.

JEREMIA 25:7 ပူးပေါင်းရင်းမြစ်များ

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

2 RAJA-RAJA 21:15

BaenonKu ma sudena i tu bangsongKu hara ni na mardosa halahi tu Au jana dipasunggul-sunggul halahi murukKu mamungka sian parruar ni ompu ni halahi sian Mesir lopus tu sadari on.”

2 JUJUR TAON 24:19

Disuru Tuhan ma angka panurirang laho manggorahon halahi anso mulak mangulahi tu Tuhan, hapengani nada ra rayat i manangihon.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 22:21

Madung Hudok hata tu ho taran denggan dope pangalaho na masa tu hamu, hape nada ra hamu manangihon. Songon i hian do antong pangalahomu sian najolo lopus saonnari; nada jungada ra hamu mangoloi Au.

JEREMIA 25:8

Hara ni na so ra hamu manangihon hata na nidokNia, gabe didok Tuhan Na Markuaso i ma,

JEREMIA 29:19

Tarjadi pe sudena i tu halahi hara ni na so ra do halahi mangihutkon tonangKu na sai torus Hupalalu tu halahi marhite angka panurirang, i ma angka naposongKi. Nada ra halahi mamparrohahon tonangKi.

JEREMIA 44:7

Jana di hatiha on, marsapa do Tuhan Na Markuaso i, Debata ni Israel sanga hara ni aha umbaen dipatupa hamu pangalaho na jahat sisongon i maradopkon dirimunu. Adong he na giot timpashononmunu sude jolma – halaklahi, dadaboru, angka dakdanak dohot na baru sorang – anso ulang adong be na teba sian bangsomunu?

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.