JEREMIA 25:6 - BIBEL JAMITA NA DENGGAN

⁶ Diorai angka panurirang do hamu mamele dohot mangoloi tu angka debata. Diorai halahi do hamu marsomba gana-ganaan na nibaenmunu sandiri, angke na songoni do mambaen muruk Tuhan. Sugari diihutkon hamu parenta ni Tuhan i, nada hona uhumNia hamu.

JEREMIA 25:6 ပူးပေါင်းရင်းမြစ်များ

1 RAJA-RAJA 14:22

Mardosa do bangso Juda tu Tuhan. Tamba gurgur do muruk ni Tuhan dibaen pangalaho ni halahi martimbangkon sandok pangalaho ni ompu ni halahi.

2 RAJA-RAJA 17:35

Madung dibaen Tuhan parjanjian dohot halak Israel songon on, “Ulang marsomba tu debata sileban; ulang unduk hamu tu halahi jana ulang oloi hamu halahi, sanga pe mamelehon haul tu halahi.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 20:3

Ulang adong di ho debata na asing di jolongKu.

JEREMIA 32:30

Sian mulana do dibaen halak Israel dohot Juda na so sonang rohangKu. Sai dipagilap-gilap halahi do muruk ni rohangKu marhite hajahatan ni parbuatan ni halahi.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 44:7

Jana di hatiha on, marsapa do Tuhan Na Markuaso i, Debata ni Israel sanga hara ni aha umbaen dipatupa hamu pangalaho na jahat sisongon i maradopkon dirimunu. Adong he na giot timpashononmunu sude jolma – halaklahi, dadaboru, angka dakdanak dohot na baru sorang – anso ulang adong be na teba sian bangsomunu?

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

JEREMIA 7:6

Ulang sai sosak hamu halak na leban, dakdanak na so marama so marina, dohot angka na mabalu. Ulang bunu hamu halak na so marsala di luat on. Ulang marsomba hamu tu angka debata na asing angke mangalapi hamagoanmunu do i.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

PANGARATAION 13:2

na martujuan anso marsomba hamu sanga mangoloi tu angka debata na so nisombamunu humani hatiha na salpu, haru pe tutu-situtu tarjadi na nijanjihonnia i,

PANGARATAION 28:14

Tapi ulang lolos-lolos ho di parenta i sude, sanga na bia pe pangalahona. Jana ulang mamele sanga mangoloi ho tu angka debata na asing.”

PANGARATAION 6:14

Ulang oloi debata na asing, sanga debata ni angka bangso na humaliang ho.

PANGARATAION 8:19

Jago ma hamu! Ulang lupa hamu tu Tuhan Debatamunu, sanga marbalik tu angka debata na asing laho mamele dohot mangoloi tusi. Muda dibaen hamu na songon i, Hupaingot ma hamu sadari on pasti pusaon ni Tuhan hamu.