JEREMIA 25:3 - BIBEL JAMITA NA DENGGAN

³ “Mamungka sian taon patolu bolaskon dung mamarenta si Josia anak ni si Amon, raja di Juda, lopus tu sadari on, jadi madung dua pulu tolu taon honokna, hata ni Debata dipalalu tu au, jana nada unjung lupa au palaluhon hata i tu hamu, tapi nada ra hamu manangihonsa.

JEREMIA 25:3 ပူးပေါင်းရင်းမြစ်များ

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

1 RAJA-RAJA 22:3

Dompak so i madung didok si Ahab hian tu angka perwirania i, “Hita do nampuna kota Ramot na di Gilead i. Biasi nada tarampas i sian raja ni Siria.”

2 RAJA-RAJA 17:13

Tu halak Israel dohot Juda, disuru Tuhan do angka utusan dohot angka panurirangNia laho palaluhon tona on, “Antak hamu ma na mambaen na jahat jana burju ma oloi hamu parenta dohot uhum na Hulehen tu ompumunu jana na Hupalalu tu hamu markite angka panurirang naposongKi.”

2 JUJUR TAON 24:19

Disuru Tuhan ma angka panurirang laho manggorahon halahi anso mulak mangulahi tu Tuhan, hapengani nada ra rayat i manangihon.

2 JUJUR TAON 34:1

Marumur salapan taon ma si Josia di na gabe raja ia di Juda, jana tolu pulu sada taon lolotna mamarenta ia di Jerusalem.

2 JUJUR TAON 34:3

Dung salapan taon ia gabe raja, dompak bajar dope ia, mamungka ma si Josia marsomba Debata na nisomba ni Raja Daud ompunia i. Dung opat taon mamungka ma dironcohon ia angka inganan parsombaan ni gana-ganaan, angka patung ni Debata Asera, dohot angka gana-ganaan na asing.

2 JUJUR TAON 34:8

Di taon pasalapanbolaskon mamarenta si Josia, dung ias sude dihais ia parsombaan tu gana-ganaan sian Bagas Ni Tuhan dohot sian sude tano i, disuruhon ia ma tolu halak laho padenggankon Bagas Ni Tuhan Debata i. I ma si Safan anak ni si Asalia, si Maaseya gubernur ni Jerusalem, dohot si Joah anak ni si Joahas, sada pagawe tinggi.

2 JUJUR TAON 36:15

Marpupu do nian disuru Tuhan, Debata ni ompu ni halahi angka utusanNa laho paingotkon bangsoNa i, dibaen holong do rohaNia mida halahi dohot BagasNia i.

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

HARURUAR 8:20

Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

JEREMIA 1:2

Mangkuling ma Debata tu si Jeremia di taon patolu bolaskon dung mamarenta si Josia anak ni si Amon raja ni Juda.

JEREMIA 11:7

Dompak na Huoban ompu ni halahi ruar sian Mesir, torang do Hupaingot tu halahi anso marpangoloion tu Au. Lopus tu sadari on laing marpupu dope Hupaingot bangsongKi salaho tu pangalaho i,

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 22:21

Madung Hudok hata tu ho taran denggan dope pangalaho na masa tu hamu, hape nada ra hamu manangihon. Songon i hian do antong pangalahomu sian najolo lopus saonnari; nada jungada ra hamu mangoloi Au.

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

JEREMIA 26:5

Angkon laing parrohahononmunu muse do hata ni naposongKu, i ma angka panurirang na sai marpupu Husuru tu hamu. Hape nada ra hamu mangoloi sanga aha na didok ni halahi.

JEREMIA 29:19

Tarjadi pe sudena i tu halahi hara ni na so ra do halahi mangihutkon tonangKu na sai torus Hupalalu tu halahi marhite angka panurirang, i ma angka naposongKi. Nada ra halahi mamparrohahon tonangKi.

JEREMIA 32:33

Madung ditadingkon halahi Au jana haru pe Huajar halahi marpupu, nada ditangihon halahi i jana nada ra mangastui.

JEREMIA 35:14

Diorai si Jonadab do pomparannia ulang minum anggur, jana dioloi halahi do larangan i. Lopus tu sadari on sahalak pe nada adong sian halahi na minum anggur. Hape Au marpupu torus mangkuling tu hamu, jana nada ra hamu manangihon.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 36:1

Di taon paopatkon dung si Joyakim anak ni si Josia gabe raja di Juda, didok Tuhan ma tu au,

JEREMIA 36:2

“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

JEREMIA 7:13

Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.

JEREMIA 7:25

Mamungka sian na haruar ompumunu sian Mesir lalu tu sadari on sai Husuru do angka naposongKu, angka panurirang tu hamu.

JEHESKIEL 33:4

Muda adong sahalak na umbege sora ni sarune i, tapi nada ra ia dipasingot, jadi ro podang i, hona bunu ma ia, gabe mate ma ia hara ni salania sandiri.

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.