JEREMIA 25:19 - BIBEL JAMITA NA DENGGAN

^19-26 Angka on ma goar-goar ni halak na deba nari na angkon minum sian piala ni anggur ni Tuhan i: raja ni Mesir rap dohot angka pagawe maradu angka pamimpinna; sude halak Mesir dohot halak sileban na adong di Mesir; sude raja na di tano Us; sude raja ni angka kota Pilistin di Askelon, Gasa, Ekron; sude halak na laing mangolu di Asdod; sude halak Edom, Moab dohot Amon; sude raja na di Tirus dohot Sidon; sude raja na di topi ni Laut Tonga; angka kota Dedan, Tema dohot Bus; sude halak na marpangkas pendek; sude raja ni Arab; sude raja ni angka marga na di padang halongonan; sude raja na di Zimri, Elam dohot Madai; sude raja na di Utara, na dao dohot na donok, pasada-sada. Sandok bangso na satano on angkon inumonna anggur i. Jana na parpudi situtu manginum anggur i, i ma raja ni Babel.

JEREMIA 25:19 ပူးပေါင်းရင်းမြစ်များ

JEREMIA 43:12

Pagaraonnia ma api di angka inganan pamelean ni debata ni Mesir, jana tutungan ni raja ni Babel ma angka patung na di inganan pamelean i sanga obanonna tu kotana. Songon parmahan na paiaskon pakeanna sian tusa, songon i muse ma ias ni Mesir sapuon ni raja ni Babel, lalu kehe ma ia mulak maroban hamonangan.

JEREMIA 43:13

Roncohononnia ma angka tugu ni gana-ganaan na di Heliopolis di Mesir, jana angka inganan pamelean ni angka debata ni Mesir abis ma tutunganna.”

JEREMIA 46:2

mamungka sian Mesir. Songon on ma pandokna taringot tu tentara ni si Nekho raja ni Mesir na talu di Karkemis donok tu Batang aek Efrat dibaen si Nebukadnesar raja ni Babel di taon paopatkon mamarenta si Joyakim anak ni si Josia gabe raja di Juda,