JEREMIA 25:12 - BIBEL JAMITA NA DENGGAN

¹² Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JEREMIA 25:12 ပူးပေါင်းရင်းမြစ်များ

2 RAJA-RAJA 24:1

Dompak mamarenta Raja Joyakim, disi ma ro si Nebukadnesar raja ni Babel patundukkon Juda. Tolu taon honokna tunduk si Joyakim tu si Nebukadnesar, dung i mangalo ia muse.

2 JUJUR TAON 36:22

Di taon parjolo mamarenta si Kores raja ni Persia, dipatulus Tuhan ma na nidokNia marhite Panurirang Jeremia. Digorakkon Tuhan ma roha ni si Kores laho mangharuarkon sada parenta na disise di sude harajaannia. Songon on ma hatana:

MASMUR 137:8

Segohonon noma ho, ale Babel hara ni na sai mangasa gogo do giotmu. Martua ma sanga ise na mamalos tu ho hajahatan na nibaenmu tu hami.

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JESAYA 15:6

Batang aek Nimrim dohot duhut na martubuan di topina i pe ma pola pora mahiang, nada adong be na rata tubu disi.

JESAYA 20:1

Domu tu parenta ni si Sargon raja ni Asur, diroro panglima ni tentara Asur ma mamorangi Asdod, sada kota ni Pilistin.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JESAYA 46:1

Debata Bel dipatunduk, Debata Nebo dirumpakkon, patung-patungna i madung dioban di gincat ni pahan-pahanan; na unjung dipaudur-udur hamu saonnari dibaen muatan, gabe boban ni binatang na loja.

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 29:10

Didok Tuhan muse, ‘Muda dung dapot hatihana sipitu pulu taon di Babel, parrohahononKu ma hamu mangulahi jana patulusonKu ma na Hujanjihon laho paulakkon hamu mangulahi tu inganan on.

JEHESKIEL 35:9

BaenonKu ma tanomi gabe tombak longo-longo sapanjangna jana nada be inganan ni jolma angka kotami. Gabe botoonmunu ma Au do Tuhan.

DANIEL 9:2

Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.

HABAKUK 1:17

Padiaron ma he sai torus halahi manyintak podangna mamunui angka bangso, nada adong ampunna?