JEREMIA 25:10 - BIBEL JAMITA NA DENGGAN

¹⁰ AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 25:10 ပူးပေါင်းရင်းမြစ်များ

ESTER 7:4

Harana madung targadis au dohot bangsongku laho bunuon. Sugari digadis hami hum na giot baenon hatoban, huhasipkon do i jana nada gangguonku pola raja i. Hape saonnari na giot abiskonon ma hami jana pusaon!”

ESTER 8:11

Dipaboa di angka surat i bahaso na bolas do halak Jahudi di sude kota laho marsada dohot mambela dirina. Muda hona serang halahi dibaen angka halak na marsinjata sian bangso sanga propinsi dia pe jadi, tola do halahi mangalosa dohot mambunu angka na mangaroro i bope dadaboruna dohot dakdanakna; tola do sambolon ni halahi angka musu i lopus abis dohot mangarampas sinadonganna.

JESAYA 47:2

Duda ma topung dohot batu; tanggalkon ma basaenmu, buka ma bajumu na jeges i, singkat ma abitmu manaripari aek i.

JEREMIA 16:9

Tangihon tangkas sanga aha na giot dokkononKu tu ho. Au Tuhan Na Markuaso. AntahonKu ma sora jop ni roha dohot hamogaan dohot hariburan ni pesta ni na marbagas. Idaon ni angka jolma na mangolu saonnari do pangalaho i tarjadi.

JEREMIA 48:33

Madung pola mago hamogaan dohot jop ni roha sian tano Moab na napu i. Au mambaen mantak aek ni anggur mardalan sian pangilangan ni anggur; nada adong be halak na pature anggur dohot na marsurahi marjop ni roha.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

ANDUNG 5:15

Ma pola mago hatuaannami; muba do tortor gabe siluluton di hami.

JEHESKIEL 26:13

AntahonKu ma sude ende-endemu dohot musik hasapimu.

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.