JEREMIA 24:1 - BIBEL JAMITA NA DENGGAN

¹ Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 24:1 ပူးပေါင်းရင်းမြစ်များ

2 RAJA-RAJA 24:10

Di na mamarenta si Joyakin, ro ma tentara ni halak Babel na nipimpin ni angka perwira ni si Nebukadnesar laho mamorangi Jerusalem lalu manghobuk kota i.

2 JUJUR TAON 36:10

Di pargontian ni taon, dioban si Nebukadnesar ma si Joyakin tu Babel gabe tahanan, jana dohot do angka barang sigodang arga na adong di Bagas Ni Tuhan dioban ia muse. Dung i diangkat si Nebukadnesar ma si Zedekia angkang ni si Joyakin gabe raja di Juda dohot di Jerusalem.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JEREMIA 13:19

Hona hobuk do angka kota ni Juda na di Selatan, jana nada adong na tarbaen luncat sian panghobuk ni musu i. Madung diayak sandok halak Juda tu habuangan.”

JEREMIA 28:4

ObanonKu muse ma si Joyakin anak ni si Joyakim raja ni Juda i rap dohot sude rayat ni Juda na hona oban tu Babel. Satutuna do, tipulkononKu ma hagogoan ni Babel. Au Tuhan, madung mandok songon i.”

JEREMIA 29:1

Hubaen ma surat tu angka malim, angka panurirang, angka pamimpin ni rayat, dohot tu sude halak na asing na dioban ni si Nebukadnesar sian Jerusalem tu Babel.

JEREMIA 29:2

Hubaen surat i dung dioban tu habuangan Raja Joyakin, inangna, angka pagawe ni bagas godang, angka pamimpin ni Juda dohot Jerusalem, angka tukang na malo dohot angka parkarejo na pande.

JEREMIA 37:1

Di na dipecat ni si Nebukadnesar raja ni Babel i si Joyakin anak ni si Joyakim, diangkat ia ma si Zedekia anak ni si Josia gabe raja di Juda.

JEHESKIEL 17:4

lalu dioban ia ma i jana dipayakkon ia di kota parboniagaan na ribur.

JEHESKIEL 19:9

Dipamasuk ma ia tu hurungan ni singa lalu dioban tu tano Babel, mangadop tu raja. Pir dibaen manjago ia anso ulang habegean be parngaurna di angka dolok ni Israel angka na gincat.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

AMOS 7:1

On ma na dipatidahon ni Tuhan Debata tu au: Huida ma Ia manjadihon siapor na sun bahatna di hatiha simpul halak manyabi ruput di raja i, jana mamungka muse martumbur ruput na imbaru.

AMOS 7:4

Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.

AMOS 7:7

Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

ZAKARIA 1:20

Jadi dipataridahon Tuhan ma tu au opat halak pande bosi.

ZAKARIA 3:1

Di bagasan parnidaan na asing muse, dipataridahon Tuhan ma tu au Malim Godang Josua na topet jongjong di jolo ni Surusuruan Ni Tuhan. Jongjong do di lambungnia Sibolis na dung hobas laho manuhas ia.