Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 23:8 - BIBEL JAMITA NA DENGGAN

8 tapi marsumpa ma halahi mangasahon Au, Tuhan na mangolu na maroban halak Israel ruar sian luat na di Utara, dohot sian sude luat na asing inganan na Hubaen paserakkon halahi. Maringanan di bona buluna sandiri noma halahi.”

အခန်းကိုကြည့်ပါ။ ကော်ပီ




JEREMIA 23:8
24 ပူးပေါင်းရင်းမြစ်များ  

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.


Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.


Didok Tuhan, “Ro do hatihana, nada marsumpa be jolma mangasahon Au Debata na mangolu, na maroban halak Israel ruar sian Mesir,


tapi mangasahon Au Debata na mangolu, na maroban halak Israel ruar sian sada luat na di Utara dohot sude luat na asing sanga na di dia halahi Hupaserak. ObanonKu ma halahi mangulahi mulak tu bona bulu ni halahi, luat na dung Hulehen tu ompu ni halahi.”


Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.


Tutu do, dumpang hamu ma Au. Palagut-lagutonKu ma hamu sian tonga-tonga ni sandok bangso sian ganop luat inganan parserahanmunu dohot habuanganmunu. ObanonKu ma hamu tu tano asalmunu on jana pasuangonKu pangalahomunu. Au Tuhan, madung mandok songon i.’


O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.


Angke dapot do muse hatihana pasuangonKu mangulahi bangsongKu Israel dohot Juda; obanonKu do halahi mangulahi mulak tu tano na dung Hulehen tu ompu ni halahi. Halahi noma nampuna tano i mangulahi. Au Tuhan, madung mandok songon i.”


Sian Utara Huoban halahi mangulahi; Hupalagut halahi sian angka ujung ni portibi. Halak na mapitung dohot na lumpu pe dohot do disi, songon i muse ina na baru horas dohot na giot di api. Giot marroan ma halahi sudena, songon bangso na godang tu luat on.


PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.


Jadi sanga ise halak na laing mangolu sian bangso na jahat na Husarsarkon on sun tu dia, gumonan noma dihilala halahi mate ulang pado mangolu. Au Tuhan Na Markuaso, madung mandok songon i.”


Didok Tuhan Debata i ma, “Giot palagutonKu ma angka halak Israel sian angka luat na dao inganan na Hubaen parserahan ni halahi, jana botoon ni sude bangso ma bahaso Na Badia do Au. Maringanan di tanona sandiri noma bangso Israel, i ma tano na dung Hulehen tu naposongKu si Jakob.


ParuaronKu ma halahi sian tonga-tonga ni angka bangso dohot angka luat na asing jana palagutonKu lalu Huoban tu tano ni halahi sandiri. ParmahananKu ma halahi di angka dolok dohot angka batang aek ni Israel jana Hutogu halahi tu angka padang ruput na rata.


Sian ganop bangso dohot luat, palagutonKu ma hamu jana paulahonKu tu tanomu sandiri.


Jadi gabe longang ma sude halak hara ni tano i na dung gasgas hian hape saonnari muba gabe Kobun Eden, jana angka kota na hona rampas humani masarsar jana gabe lobu, hape saonnari gabe angka kota na togu partahananna jana na diingani ni jolma.


Maringanan ma halahi di tano na dung Hulehen tu naposongKu si Jakob jana na niinganan ni ompu ni halahi, olo, halahi; angka anak ni halahi bope pahompu ni halahi angkon tinggal disi salolot ni lolotna jana naposongKu si Daud ma raja ni halahi salolot ni lolotna.


Jadi gabe botoon ni bangsongKi ma Au do Tuhan Debata ni halahi. Angke Au do na manongos halahi tu habuangan tapi laing Au muse do na maroban halahi mulak mangulahi tu tano ni halahi sandiri, jana nada adong sahalak pe sian halahi na tading disi.


Saonnari Huoban halahi ruar sian angka inganan panggadisanna dibaen hamu, jana balosonKu ma hajahatanmunu maradopkon halahi.


Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.


Ro do i hatihana, jana ro ne noma i, toguonKu ma mulak halakmu na marserak i. BaenonKu tarbonggal hamu di sandok portibi, jana Hupasuang hasonangonmu mangulahi.” Madung didok Tuhan songon i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ