JEREMIA 23:30 - BIBEL JAMITA NA DENGGAN

³⁰ AloonKu do angka panurirang na palaluhon tona na sian donganna, jana didokkon na sian Au tona i.

JEREMIA 23:30 ပူးပေါင်းရင်းမြစ်များ

MASMUR 34:16

Hape anggo halak na jahat, dialo Ia; dung mate, tibu-tibu halahi lupa sian roha.

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 23:31

AloonKu muse do angka panurirang na palaluhon hata-hatana sandiri jana didoksa na sian Au asal ni i.

JEREMIA 44:11

Jadi hara ni i, Au Tuhan Na Markuaso, Debata ni Israel, baenonKu ma hamu songon Juda jana patimpasonKu.

JEREMIA 44:29

ParoonKu ma jaya tu hamu di inganan on laho patandahon tu hamu paboa na tutu situtu do tarjadi uhuman na dung Husangkaphon tu hamu.

JEHESKIEL 13:20

Mandok hata ma Tuhan Debata i tu angka dadaboru paralatan i, “Magigi Au paida-ida angka golang-golang ajimet na nipakemunu i laho mangarajai ngolu ni bangsongKi. RampasonKu ma angka golang i sian tanganmunu, jana paluaonKu ma angka na nipatundukmunu i.

JEHESKIEL 15:7

Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

1 PETRUS 3:12

Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”