JEREMIA 23:28 - BIBEL JAMITA NA DENGGAN

²⁸ Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 23:28 ပူးပေါင်းရင်းမြစ်များ

1 RAJA-RAJA 22:14

Tapi dialusi si Mika ma, “Mangasahon Tuhan na mangolu i, hujanjihon ma, sanga aha na nidok ni Tuhan tu au, laing i do na giot palaluonku.”

1 RAJA-RAJA 22:16

Dialusi si Ahab ma, “Muda mangasahon Tuhan do ho tu au mandok hata, na tutu i ma dokkon. Piga noli angkon dokkononku paingotkon ho salaho tusi?”

PODA 14:5

Saksi na jujur sai mandok na satutuna; saksi na so haposan, sai margabus do karejona.

JESAYA 21:10

Bangsongku Israel! Ma hona dege-dege ho songon burir ni gandum. Saonnari hupaboa ma tu ho jamita na denggan na hubege sian Tuhan Na Markuaso i, Debata ni Israel.

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

JEREMIA 42:4

Hualusi ma, “Antong denggan ma i. Hujagit ma pangidoanmunu i. Hutangiangkon ma tu Tuhan Debatanta i jana sanga aha pe antong alusna, hupaboa pe tu hamu sudena; sada pe nada tola bunihononku tu hamu.”

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEREMIA 9:20

Hudok ma, “Tangihon ma angka hata ni Tuhan, o hamu angka dadaboru sudena! Ajarkon ma tu angka dakdanakmu ende andung, tu angka donganmu ende ni siluluton.

JEHESKIEL 13:3

Didok Tuhan Debata i ma, “Marjaya ma angka panurirang na oto i! Sian tubu-tubu ni rohana sandiri do dapotsa na niidana jana pargabus do parnidaanna i.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.