JEREMIA 23:24 - BIBEL JAMITA NA DENGGAN

²⁴ Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEREMIA 23:24 ပူးပေါင်းရင်းမြစ်များ

PAMUNGKAAN 16:13

Sapa-sapa ma si Hagar di bagasan rohania, “Tutu do ulaning huida Debata na mamparrohahon au?” Jadi gabe digoari ia ma Tuhan na mandok hata i tusia, “Debata Na Mamparrohahon”.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 JUJUR TAON 2:6

Tapi anggo satutuna, sada halak pe nada adong na margogo pajongjongkon bagas di Debata, angke haru sude pe parlangitan na bolak i nada cukup i gabe ingananNia. Jadi anggo Bagas Ni Tuhan na giot sipajongjongonki, hum tarsongon inganan panutungan ni dupa di Tuhan sajo do i!

2 JUJUR TAON 6:18

“Tapi ale Debata, tutu dehe tarbaen Ho maringanan di tano on di tonga-tonga ni jolma? Salang sude pe langit i nada tuk bidangna di Ho, mur ma bagas paribadatan na hupajongjong on?

JOB 34:21

Dipareso Ia do ngolu ni jolma, diida Ia do sude parkarejoanna.

JOB 34:22

Nada adong na golap sanga songon dia pe holomna, na tarbaen manabunihon halak pardosa.

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

MASMUR 139:7

Tu dia ma au kehe anso malua sian kuasoMu? Tu dia ma lojonganku anso dao sian joloMu?

MASMUR 139:8

Muda manaek au tu langit, disi do Ho, sugari modom au di hamatean, disi pe laing adong Ho.

MASMUR 148:13

Denggan do pujion ni halak goar ni Tuhan, dibaen gumodang do goar i sian sandok goar. HamuliaonNa gumincat sian tano dohot langit.

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

JESAYA 29:15

Marjaya ma sanga ise halak na giot manabunihon tahina sian Tuhan! Marsibuni-sibuni ma halahi mambaen sibaenonna, jana ning roha ni halahi nada adong sahalak pe na marnida sanga na umboto sanga aha na nibaen ni halahi.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JEREMIA 49:10

Tapi anggo Au, madung ias Huhais sinadongan ni pomparan ni si Esau jana Hubuka rahasia parsimonjapan ni halahi; nada tarbaen halahi be marsibuni. Madung diabiskon mate sude halak Edom, sahalak pe nada adong na malua.

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

EPESUS 1:23

Pamatang ni Kristus do parlagutan i. Hara ni pamatang i, gabe sanggam ma parlagutan i hara ni Ia na mambaen sasudena gabe sanggam.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.