JEREMIA 23:22 - BIBEL JAMITA NA DENGGAN

²² Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.

JEREMIA 23:22 ပူးပေါင်းရင်းမြစ်များ

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 23:18

Au mandok, sahalak pe nada adong sian angka panurirang i na umboto sanga aha na adong di bagasan roha ni Tuhan. Nada adong sian halahi na unjung umbege dohot na umboto angka sangkap ni Tuhan; nada adong muse na mamparrohahon sanga manerge angka hata na nidokNia.

JEREMIA 25:5

Disuru halahi do hamu manadingkon parngoluonmunu na jahat i dohot angka parbuatanmunu na gok dosa i anso tarbaen hamu hot maringanan di tano pusako na nilehen ni Tuhan tu hamu dohot tu angka ompumunu songon tano pusako.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

JEHESKIEL 13:5

Nada dijagohon halahi angka inganan ni tembok na marsegoan jana nada dipauli halahi muse angka tembok i. Jadi nada tarpartahankon anggo Israel, muda ro Tuhan di arina manguhumi.

JEHESKIEL 18:30

Didok Tuhan Debata, “Ale hamu halak Israel, uhumanKu do ganop halak hombar tu pambaenanna be. Pauba hamu ma rohamunu sian angka dosamunu. Ulang padiar disegohon dosami dirimu.

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

MALEAKI 2:6

Ajarkonon ni halahi ma na sintong, nada be na marsalaan. Hombar tu hagiotKu noma parngoluon ni halahi. Bulus noma parrohaon ni halahi jana solkot parngoluonna dohot Au, nada hum na denggan be baenon ni halahi, tapi urupan ni halahi muse ma halak na asing anso ulang be mambaen na jahat.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

1 TESSALONIKA 5:6

Hara ni i, nada tola tarpodom hita songon angka halak na asing i. Angkon tongtong do hita jonggor jana rohanta pe angkon torang.