JEREMIA 23:20 - BIBEL JAMITA NA DENGGAN

²⁰ Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

JEREMIA 23:20 ပူးပေါင်းရင်းမြစ်များ

PAMUNGKAAN 49:1

Dung i dipiohon si Jakob ma angka dakdanaknia i, didok ia ma, “Marlagut ma hamu tu lambungkon, anso hupaboa tu hamu sanga aha na giot masa tu hamu di pudian ni ari.

1 RAJA-RAJA 8:47

“Muda di luat i halahi, sian ias dohot sian situtu ni roha ni halahi maninggalkon angka dosa ni halahi, dioku halahi dosa dohot hajahatan ni halahi, martangiang halahi tu Ho adop luat on na dung nilehenMu tu ompungnami adop kota na nipiliMu dohot adop bagas parsombaan on na dung hupajongjong di Ho,

2 RAJA-RAJA 23:26

Hape anggo pangalaho ni Raja Manase na hum parohon muruk ni Tuhan do maradopkon Juda; jana lopus saonnari laing na so mombun dope roha ni Tuhan.

2 RAJA-RAJA 23:27

Didok Tuhan do, “Sanga aha na dung Hubaen tu Israel, laing baenonKu do dohot tu Juda. Angkon Hubuang halak Juda i, sian tano na dung Hulehen tu halahi. TulahonKu noma Jerusalem kota na Hutodo i dohot bagasKon pe, na dung Hudok hian inganan marsomba tu Au.”

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JESAYA 14:24

Marsumpa ma Tuhan Na Markuaso i: “Angkon tulus do sude na dung Husangkapkon i.

JESAYA 55:11

laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

JEREMIA 51:12

Lehen ma tanda laho manyerang angka tembok ni Babel. Pagomos panjago. Baen pangawal. Markobas ma mambulutkon!” Madung didalankon Tuhan sanga aha na disangkaphonNia maradopkon Babel.

JEHESKIEL 21:10

Dipatajom do i anso tarpake pamatehon. Digosok anso marlinang-linang. Bisa dope he jop ni roha di hami? Tungkot harajaan ni anak i do na pamatehon sasude hayu.

JEHESKIEL 21:5

Jadi gabe botoon ni sude jolma ma Au do Tuhan, Husintak ma podangKu jana nada be pasarungonKu.’ ”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.