JEREMIA 23:18 - BIBEL JAMITA NA DENGGAN

¹⁸ Au mandok, sahalak pe nada adong sian angka panurirang i na umboto sanga aha na adong di bagasan roha ni Tuhan. Nada adong sian halahi na unjung umbege dohot na umboto angka sangkap ni Tuhan; nada adong muse na mamparrohahon sanga manerge angka hata na nidokNia.

JEREMIA 23:18 ပူးပေါင်းရင်းမြစ်များ

1 RAJA-RAJA 22:24

Jadi ro ma tu jolo si Zedekia anak ni si Kenaana mandonohi Panurirang Mika dipastap ia ma bohina i jana didok ia ma, “Mamungka sadihari lakna ditadingkon Tondi Ni Tuhan au laho mandok hata tu ho?”

2 JUJUR TAON 18:23

Jadi maju ma Panurirang Zedekia lalu ditampeleng ia ma bohi ni si Mika jana didok ia ma, “Dia ma mungkin Tondi Ni Tuhan manadingkon au jana mangkobari Ia tu ho?”

JOB 21:22

Tarajari jolma ma he Debata, hapengani Debata sandiri do na manguhumi na adong di banua ginjang?

JOB 33:31

Jadi tangihon ma jolo da Job, patinggil pinggolmu lalu pahohom, saonnari mandok hata jolo au.

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

JEREMIA 23:22

Sugari tutu nian adong diboto halahi na di bagasan rohangKu, tontu palaluon ni halahi do tu bangsongKu sandok hata na dung Hudokkon i. Gabe muba ma roha ni bangsongKi sian angka dosana dohot pangalahona na jahat i.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

1 KORINTUS 2:16

Harana, “Ise ma he na umboto roha ni Tuhan, sanga ise ma he na mamodai Ia?” Tapi di hita do roha ni Kristus i.