JEREMIA 23:17 - BIBEL JAMITA NA DENGGAN

¹⁷ Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEREMIA 23:17 ပူးပေါင်းရင်းမြစ်များ

2 SAMUEL 12:10

Dibaen nada dioloi ho Au, jana hara ni na nibuatmu dadaboru ni si Uria, jadi gabe sai adong ma na mate hona bunu sian ganop sundut ni pomparanmu.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

JESAYA 57:21

Nada adong hasonangan ni roha ni pardosa,” ninna Debatangku.

JEREMIA 13:10

Na jogal do roha ni bangso na jahat on jana na so ra do halahi mangoloi Au. Marsomba jana mangoloi angka debata na asing do halahi. Hara ni i ma halahi gabe songon bobat abit na so marguna i.

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 4:10

Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEREMIA 5:12

Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEREMIA 8:11

Marlayas ni roha do halahi hatiha mangubati bugang ni boru ni bangsongKu, ning halahi, ‘Hasonangan, hasonangan!’ Tapi nada adong hasonangan.

JEREMIA 9:14

Jogal do roha ni halahi jana marsomba tu Baal do halahi songon na niajarkon ni angka ompu ni halahi.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

JEHESKIEL 13:10

Hamu angka panurirang pargabus! Madung dipalilu hamu bangsongKu marhite hata na nidokmunu, aman jana beres do sude. Hape saotik pe nada tutu songon i! Dipajongjong bangsongKi do tembok jana di baen halahi hapurna.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

AMOS 9:10

Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

BILANGAN 11:20

Tapi sabulan honokna mangan juhut hamu, lopus gabe marnyae jana muta-uta hamu patundana. Masa pe songon i hara ni na ditulak hamu do Tuhan na adong ditonga-tongamunu. Dohot hara ni ungut-ungutmunu tuSia, bahaso na dumenggan hian ulang ditinggalkon hamu Mesir.’ ”

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

PANGARATAION 29:19

Ulang ma adong dison sahalak pe na umbege sadari on pangidoan na koras i hapengani di bagasan rohania laing pos do rohania marnasib na denggan ia tongtong haru pe manggogo ia manustus dalannia sandiri. Hara ni i angkon diabiskon ma sude na maraek dohot na mahiang.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.