JEREMIA 23:16 - BIBEL JAMITA NA DENGGAN

¹⁶ Tu halak Jerusalem, didok Tuhan Na Markuaso i ma, “Ulang patangi-tangi hamu hata na nidok ni angka panurirang na sai tongtong mangalehen arop ni roha na rumar. Tubu-tubu ni roha ni halahi sajo do na nipalalu ni halahi, nada tona sian Au.

JEREMIA 23:16 ပူးပေါင်းရင်းမြစ်များ

1 RAJA-RAJA 22:11

Sahalak sian panurirang i na margoar si Zedekia anak ni si Kenaana, dibaen ia angka tanduk sian bosi jana didok ia ma tu si Ahab, “On ma na nidok ni Tuhan, ‘Dohot tanduk on ma porangan ni raja i Siria jana malantuk ma halahi.’ ”

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

2 JUJUR TAON 18:5

Jadi gabe dipalagut si Ahab ma opat ratus halak panurirang lalu disapai ia ma tu halahi, “Tola dehe au kehe mamorangi Ramot sanga nada?” ning ia. “Tola!” ning halahi mangalusi. “Lehenon ni Debata do hamonangan di raja i.”

PODA 19:27

O anakku, muda nada be ra ho marsiajar, lupa ma ho di na niparsiajaranmi.

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

JEREMIA 23:21

“Na ringgas antong angka panurirang i, hape nada na Husuru halahi. Mangasahon goarKu dipalalu halahi barita, hape nada adong nian tona na Hupasahat tu halahi.

JEREMIA 23:26

Sadia honok nari angka panurirang i sai giot palilu-liluhon bangsongKi markite-hite barita na nikarang-karang ni halahi sandiri,

JEREMIA 29:23

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEREMIA 9:20

Hudok ma, “Tangihon ma angka hata ni Tuhan, o hamu angka dadaboru sudena! Ajarkon ma tu angka dakdanakmu ende andung, tu angka donganmu ende ni siluluton.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JEHESKIEL 13:16

i ma angka panurirang na mandok taringot tu Jerusalem jana madung adong disia alatan taringot tu dame, hape nada adong dame.” Songon i ma pandok ni Tuhan Debata.

JEHESKIEL 13:23

Anggo saonnari marujung noma angka parnidaan gabus dohot angka alatanmunu na so tutu i. PaluaonKu ma bangsongKi sian gogo ni hajahatanmunu. Jadi gabe botoonmunu ma bahaso Au do Tuhan.”

JEHESKIEL 13:3

Didok Tuhan Debata i ma, “Marjaya ma angka panurirang na oto i! Sian tubu-tubu ni rohana sandiri do dapotsa na niidana jana pargabus do parnidaanna i.

JEHESKIEL 13:6

Angka na so tutu do parnidaan ni halahi jana angka alatan ni halahi pe gabus sajo do. Pandok ni halahi tona sian Tuhan do na nioban ni halahi, hape Tuhan sandiri so jungada manyuru halahi. Bia ma he parjadina arop roha ni halahi tarjadi alatan ni halahi?

JEHESKIEL 22:28

Dibunihon angka panurirang do dosa i; songon na mangkapur tembok na hodar do halahi. Gabus do angka parnidaan ni halahi, songon i muse angka alatan ni halahi. Mangoku do halahi anggo tona na nipalalu ni halahi i na nijagit ni halahi do sian Tuhan Debata i, hape nada adong manghobari Au tu halahi.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.